Xalıqara futbol federatsiase Dönya futbol berençelegeneñ soñğı uyınında Fransianeñ tanılğan uyınçısı Zinedin Zidane häm İtalia uyınçısı Marco Materazzi arasında çıqqan nizağqa çişeleş taptı. Materazzigä başı belän kiterep bärgän Zidane 6 meñ dollar ştraf tülärgä häm 3 uyında qatnaşmasqa tieş. Zidanenı mısqıl itkän süzlär äytkän Materazzi 4 meñ dollar ştraf tülärgä häm 2 uyınnı qaldırırğa tieş. Uyınçılarnıñ ikese dä Materazzi süzläreneñ mısqıllı buluın tanıdı, ämma anda rasaçıl ğäyepläwlär bulmadı, dip äytte. Zidane barıber zur futboldan kitüen beldergängä kürä, anıñ cäzası Federasia şurasında balalar belän 3 kön buşqa eşläwgä alıştırıldı.
