Avgust ayında qala xalqı yal itärgä aşıqsa, awıl xalqı aşlıq ambarların ikmäk belän tutırıp qalırğa aşığa. Kemder kürşe rayonnarda qulına balta, eş qoralı totıp şabaşta tonnası 2500-3000 sumlıq ikmäk öçen tırışa. Satıp alğanı satıp ala, igençe kombaynda aşlıq suqtırıp kön kürä. Respublikanıñ awıl xucalığı idäräse birgän sannarğa küz salsaq, Tatarstan qırlarınıñ 44 protsentınnan, yäğni 697 meñ gektar mäydannan aşlıq suqtırılğan. Şul uq awıl xucalığı ministrlığı äytüe buyınça Baltaç rayonı iñ aktiv ikän. Barlıq mäydannıñ 65 protsentı suğılğan. Respublika külämendä uñış gektarınnan 28 sentner dilär. Bu kürsätkeçlär belän Balıq bistäse rayonınıñ keçeräk fermer xucalı citäkçese kileşmi. Ul isemen äytmäsä dä bezgä uñdırışlılıq turında menä närsä dide:
- Bezneñ Balıq bistäseneñ tufrağı da uñdırışlı tügel. İkmäk tä naçar çığa. Annan soñ min ministrlıq birgän unış näticäläre döres tügelder dip uylıym. Ambarlarda ipi bik az bit.
Bu könnärdä Yuğarı Oslan rayonında Rusiä däwlät duması komitetı räiseneñ agrar mäsälälär buyınça urınbasarı Ayrat Xäyrullin jurnalistlarğa “Qızıl Şärıq Agro” cämğiäte eşçänlege belän tanıştırdı. Älege şirkät 26 meñ gektar cirdä ikmäk üsterä ikän. “Qızıl Şärıq Agro” şirkäte äle 3 yıl ğına eşli, aldağı 1-2 yıl eçendä cirlären 30 meñ gektarğa citkerergä teli. Şirkätneñ citäkçelege söyläwençä 3 yıl eçendä 1800 danä texnika satıp alğannar, texnik bazanıñ 70 protsentı yañartılğan. “Qızıl Şärıq Agro”şirkäteneñ oktäber ayında Yuğarı Oslan rayonında 4200 terlek sıydırışlı terlekçelek kompleksı açılaçaq. İkençe yılğa 5800 başqa citkerergä isäplilär. Ayrat Xäyrullin yäş belgeçlärne awılda qaldıru öçen toraq buldırırğa da rizamın di. İkençe yılğa “Qızıl Şärıq Agro” şirkäte 5 meñ keşegä eş urını buldırırğa burıç quya. Alarnıñ ber meñ yarımı terlekçelektä eşliäçäk ikän. Şirkättä eş xaqı tüläw ber köngä dä soñarmıy di alar. Xäyrullin çınlap söyläsä, awıl xezmätçännäreneñ eş xaqı yılına 100 meñ, mexanizatorа 120 meñ sumnan da kim bulmasqa tieş digän fikerdä. Ä Mamadış rayonında investorlarğa 50gә 50 mönäsäbätendä. Bezgä monı şul rayon jurnalistı äytte. Anda “Wamin” şirkäte 12 xucalıqnı berläşterep eşläp yata ikän. Ä Balıq bistäse rayonınıñ keçeräk fermer xucalığı citäkçeseneñ mönäsäbäte başqaçaraq. Äñgämä däwerendä eşläre qatı buluı da añlaşıldı.
- Alar kilälär awıl xalqın talap kitälär. Bezneñ kürşe awıl cirlären dä investor aldı. Ul awıl xalqı ul investornı berdä maqtamıy äle. Min sovet çorında tärbiälängängäderme kümäk xucalıqlar buluın telär idem.
Bu kolxozlarnı taratıp betergäç tä ayaqqa basıyrğa telägän awıl abzıyı fikerläre buldı.
Röstäm İsxaqi
- Bezneñ Balıq bistäseneñ tufrağı da uñdırışlı tügel. İkmäk tä naçar çığa. Annan soñ min ministrlıq birgän unış näticäläre döres tügelder dip uylıym. Ambarlarda ipi bik az bit.
Bu könnärdä Yuğarı Oslan rayonında Rusiä däwlät duması komitetı räiseneñ agrar mäsälälär buyınça urınbasarı Ayrat Xäyrullin jurnalistlarğa “Qızıl Şärıq Agro” cämğiäte eşçänlege belän tanıştırdı. Älege şirkät 26 meñ gektar cirdä ikmäk üsterä ikän. “Qızıl Şärıq Agro” şirkäte äle 3 yıl ğına eşli, aldağı 1-2 yıl eçendä cirlären 30 meñ gektarğa citkerergä teli. Şirkätneñ citäkçelege söyläwençä 3 yıl eçendä 1800 danä texnika satıp alğannar, texnik bazanıñ 70 protsentı yañartılğan. “Qızıl Şärıq Agro”şirkäteneñ oktäber ayında Yuğarı Oslan rayonında 4200 terlek sıydırışlı terlekçelek kompleksı açılaçaq. İkençe yılğa 5800 başqa citkerergä isäplilär. Ayrat Xäyrullin yäş belgeçlärne awılda qaldıru öçen toraq buldırırğa da rizamın di. İkençe yılğa “Qızıl Şärıq Agro” şirkäte 5 meñ keşegä eş urını buldırırğa burıç quya. Alarnıñ ber meñ yarımı terlekçelektä eşliäçäk ikän. Şirkättä eş xaqı tüläw ber köngä dä soñarmıy di alar. Xäyrullin çınlap söyläsä, awıl xezmätçännäreneñ eş xaqı yılına 100 meñ, mexanizatorа 120 meñ sumnan da kim bulmasqa tieş digän fikerdä. Ä Mamadış rayonında investorlarğa 50gә 50 mönäsäbätendä. Bezgä monı şul rayon jurnalistı äytte. Anda “Wamin” şirkäte 12 xucalıqnı berläşterep eşläp yata ikän. Ä Balıq bistäse rayonınıñ keçeräk fermer xucalığı citäkçeseneñ mönäsäbäte başqaçaraq. Äñgämä däwerendä eşläre qatı buluı da añlaşıldı.
- Alar kilälär awıl xalqın talap kitälär. Bezneñ kürşe awıl cirlären dä investor aldı. Ul awıl xalqı ul investornı berdä maqtamıy äle. Min sovet çorında tärbiälängängäderme kümäk xucalıqlar buluın telär idem.
Bu kolxozlarnı taratıp betergäç tä ayaqqa basıyrğa telägän awıl abzıyı fikerläre buldı.
Röstäm İsxaqi