Bügenge “Azatlıq”nıñ açıq mikrofonı Tatarstan köne uñayınnan Qazanğa cıyılğan xalıqnıñ bäyräm itüe belän qızıqsındı. Şähärneñ törle urınındağı, kübräk üzäktäge çaralarnı qarap yörgän xalıq fikerläre belän qızıqsındı. Abzıy-apalar balaları belän yal itälär, konsert qarıylar. Alarğa barısına oşıy, çittän kilgännäre Qazannıñ maturlığına xozurlanıp yörilär. Ölkän buın keşeläre dä bu bäyrämne yıl sayın qarıylar, yäşleklären iskä alar, yäşlärneñ eçkeçelekkä birelep bäyräm itülärenä borçılalar ikän. Çit regionnan kilgän abzıy da Tatarstanlılarnıñ şulay küñelle itep bäyräm itülärenä soqlana, respublikağıznı gel şulay görlätep üsteregez, bäyräm itegez di. Student qız bu bäyräm Sabantuy bäyrämenä oxşıy başladı di. Bäyrämdä xalıq küñelen kütärä belsä, şul waqıtta ul ozaqqaraq istä qalaçaq digän fiker dä citkerde. Äti-änise belän bergä şähär buyınça yörep, konsertlar qarap, kofelarda çäylär eçep bäyräm itälär ikän. Sabıylar atlarğa atlanıp, uyın mäydançıqlarında küñel açtılar. Alarğa Qazannıñ 1001 yıllıq bäyräme bik oşıy ide. Açıq mikrofon beleşkännän soñ şul añlaşıldı, bäyrämgä kilüçelär bu bäyrämneñ aldağı yıllarda da şulay şawlap-görläp ütüen telilär. Älbättä, alar inde belälär bu xäzer Tatarstannıñ bäysezlek alğan köne ük tügel, ä respublika köne, Qazan şähäreneñ 1001 yıllıq bäyräme genä.
Röstäm İsxaqi
