Tatarstanda, Rusiäneñ başqa töbäklärennän ayırmalı bularaq, eşsezlek mäs’äläse alay kisken tormıy. Härxäldä, räsmi mäğlümätlärgä qarağanda. 1 sentäbergä, mäsälän Qazanda, eşli alırlıq xalıqnıñ nibarı 1 protsentqa yaqını ğına räsmi räweştä eşsez bularaq terkälgän. Bu 5 meñnän az ğına artıq keşe digän süz. Şulay da, eşkä urnaşu, yaxşı xezmät xaqlı urın tabu küplär öçen aktual’. Qazanda bigräk tä. Şuña da, şähärneñ Mäşğüllek üzäge oyıştıra torğan Vakansiälär yärminkäse keşelärne haman da küplär cälep itä.
Bu yulı niçek bulğan soñ, Vakansiälär yärminkäseneñ näticäläre nindi? Şuşı xaqta bez Qazannıñ Mäşğüllek üzäge belgeçe Ence Zakirovadan soraştıq.
Bu yulı bez oyıştırğan yärminkägä 4 meñgä yaqın keşe kilde. Alar öçen bez 10 meñnän artıq vakansiä täqdim ittek. Kilüçelär arasında ğädättägeçä xatın-qızlar kübräk. Läkin eş urının kübräk irlärgä täqdim itälär. Bu yulı vakansiälärneñ yaqınça 70 protsentı eşçe hönärläre ide. Xäzer nigezdä slesar’, santexnik, saqçı, tözüçelär kiräk. Şulay uq az xezmät xaqı alıp eşli torğan uqıtuçı, tärbiäçelär dä taläp iteläBu Qazannıñ Mäşğüllek üzäge belgeçe Ence Zakirova fikerläre ide.
Gölnaz İlgizär