Samar citäkçeläre Samar şähäreneñ yäşen arttıru turında uylanalar. Eş şunda ki, Samar krepost' 420 yıl elek 1586 yılnı tözelgän. Tarixçılar qulına ital'yan kupetsları töşerelgän qartanıñ kopiäse kilep töşkän. 639 yıl elek 1367 yılnı sızılğan qartada Samara häm Soq
yılğaları arasında toraq punktlar bulğan, häm şularnıñ berse- Samar dip atalğan. Tağın ber tarixi moment. Rusiädä krepost'larnı buş cirgä salğanda gramota birelä torğan bulğan, ä toraq punktlarda krepost' salınsa, gramota birelmägän. Samar krepostena gramota birelmägän. Samar krepost' bularaq 1586 yılda terkälgän, ä bit 1552 yılnı Qazannı yaularğa Samardan ğaskär cibärelgän.
Samar şähäreneñ çın yäşen belü niätennän, Samar xökümätendä komissiä tözelde. Samar däwlät universitetınıñ professorı, tarix fännäre doktorı Petr Kabıytov äytüençä, Samar şähäre arxeologik küzlektän bötenläy öyränelmägän, çönki Samara sotsializm çorında yabıq şähär bulğan. Bügen 420 yäşlek dip sanalğan Samar yaqın yıllarda 700 yıllığın uzdıruı bik ixtimal.
Şamil Bahautdin, Samar