Yaña başlanğan yıl Başqortstanğa küñelle bäyrämnär genä tügel, ä xäsrätle xällär dä alıp kilä başladı. Respublika üzeneñ çirattağı kürenekle şäxesen yuğalttı. Ataqlı tatar sänğät eşleklese, Başqortstan däwlät opera häm balet teatrınıñ talantlı rejisserı, professor Rifqät Wäliullin 72 yäşendä wafat buldı. Comğa könne anıñ belän xuşlaşu ul üze 40 yıl buyı eşlägän Başqortstan däwlät opera häm balet teatrında oyıştırıldı. Märxümne 5 ğinwar könne Ufadağı möselman ziratında mäñgelek yortına küçerdelär.
Rifqät Wäliullin Başqortstandağı bixisap tatar zıyalıları kebek ük, respublikanıñ milli sänğäten üsterügä zur öleş kertte. Tuymazı rayonınıñ Bişende isemle tatar awılında tuıp üskän yeget Lunaçarski isemendäge Däwlät teatr sänğäte institutın tämamlıy. Başqortstan däwlät opera häm balet teatrına bağışlağan 40 yıl eçendä qırıqqa yaqın opera spektaklen säxnägä quya ul. Rusiäneñ häm Başqortstannıñ atqazanğan sänğät eşleklese digän maqtawlı isemnär belän bäyälänä Rifqät Wäliullinnıñ ilhamlı icatı. Ämma ni ğäcäp, ataqlı talant iäseneñ wafatı uñayınnan yazılğan nekrolognı respublika citäkçeläre tügel, ä ber törkem iptäşläre genä imzalağan.
Qayberäwlär fikerençä, moña Rifqät Wäliullinnıñ Börcän rayonında tügel, ä Tuymazı rayonında tuuı säbäpçe.
Rifqät Wäliullin Başqortstandağı bixisap tatar zıyalıları kebek ük, respublikanıñ milli sänğäten üsterügä zur öleş kertte. Tuymazı rayonınıñ Bişende isemle tatar awılında tuıp üskän yeget Lunaçarski isemendäge Däwlät teatr sänğäte institutın tämamlıy. Başqortstan däwlät opera häm balet teatrına bağışlağan 40 yıl eçendä qırıqqa yaqın opera spektaklen säxnägä quya ul. Rusiäneñ häm Başqortstannıñ atqazanğan sänğät eşleklese digän maqtawlı isemnär belän bäyälänä Rifqät Wäliullinnıñ ilhamlı icatı. Ämma ni ğäcäp, ataqlı talant iäseneñ wafatı uñayınnan yazılğan nekrolognı respublika citäkçeläre tügel, ä ber törkem iptäşläre genä imzalağan.
Qayberäwlär fikerençä, moña Rifqät Wäliullinnıñ Börcän rayonında tügel, ä Tuymazı rayonında tuuı säbäpçe.
Fänis Fätxi, Ufa