Mäskäw -- Yäkşämbedä Mäskäw ölkäseneñ tağın ike rayonında – Naro-Fomin häm Taldım rayonnarında – yort qoşlarınıñ küpläp ülüe küzätelgän. Mäskäw ölkäseneñ baş sanitar tabibı Olga Gavrilenko süzlärençä, tikşerü näticäläre soñraq bilgele bulaçaq, läkin belgeçlär monıñ säbäbe – "qoş kizüe" dip sanıy. Keşelär öçen dä qurqınıç tudıra alğan H5N1 dip atalğan virus elegräk Odinsovo, Podolski, Domodedovo rayonnarında terkälgän ide. Düşämbedä ölkäneñ bar qoşçılıq fermalarında qoşlarnı vaksinlaw başlana.
