Tatarstan häm Rusiä xaqimiätläre arasında tözelgän kileşüne, Putin imzalawğa qaramastan, senatorlar kire qaqqan ide. Qarşı tawış birüçe senatorlar arasında Başqortstan wäkilläre dä bar. Rusiä Däwlät duması deputatı Mansur Äyüpov matbuğat oçraşuı ütkärep Başqortstan wäkilläreneñ ni öçen qarşı buluların ireşterde. Anıñ süzlärençä, moña Oleg Morozov ğäiple. Äyüpov ägär Morozov kileşügä Tatarstan belän Çeçnyä ğına däğwa itä ala dip beldermäsä, Başqortstan da qarşı mönäsäbät kürsätmäs ide dide. Moña qaramıy deputat Başqortstan belän Tatarstan arasında mönäsäbätlär bozılırğa tieş tügel dip isäpli.
