Bu yazmabız prezident saylawları turında, xörmätle tıñlawçılar. Rusiädä tügel, Amerikadağısı turında. Rusiä saylawlarına 8 kön qaldı, anda bernindi yañalıq kötelmi. Amerika saylawlarına äle 8 ay bar, ämmä täräqqiät küpkä qızıqlıraq. Sişämbedä demokratlarnıñ "Super Tuesday" dip atalğan berençel saylawları ütte. Senator John Kerry 10 ştatnıñ 9nda ciñep çığıp, çirattağı uñışına ireşte. Şulay itep, noyäberdä ütäçäk prezident saylawlarında Aq Yortnıñ xäzerge xucası George Bushqa qarşı kem köräşäçägendä şik qalmadı diärlek.
Audio (John Kerry)
Bu üzeneñ saylawçılarına räxmäten beldergän senator John Kerry ide, xörmätle tıñlawçılar. Demokratlarnıñ primaries dip atalğan berençel saylawları uzğan töndä beryulı 10 ştatta ütte, şul isäptän, New York, California kebek iñ ere ştatlarda. Şul säbäple alar "Super Sişämbe" dip atala. Kerry 10 ştatnıñ 9-nda ciñep çıqtı. Barı tik VermOnt saylawçıları üz tawışların elekke gubernatorları Howard Dean''ğa birde, gärçä ul, yarıştan çığuwı turında beldersä dä.
Şulay itep, baştaraq citdi qabul itelmägän, Vietnam suğışı qaharmanı, 60 yäşlek Massachusets senatorı John Kerry 6 atna eçendä 30 ştatnıñ 27sendä ciñep çığıp, üzeneñ demokrat köndäşlärenä ber ömet tä qaldırmadı. Alar ber-ber artlı yarıştan töşä bardı. Köndäşneñ soñğısı, Tönyaq Carolina senatorı John Edwards üzeneñ çigenüwe turında bügen iğlan iter dip kötelä. Kiçä soñğı näticälär mäglüm bulğaç, ul ciñelüwen tanıp bolay dide:
Audio (John Edwards)
"Forsattan faydalanıp, dustım senator John Kerrynı qotlıysım kilä. Ul bik köçle kompaniä alıp bardı: kübräk eş urını, yaxşıraq sälämätlek saqlaw, çistaraq möhit, iminräk dönya – bolar barısı da bezneñ alda, bezneñ partiä aldında, ilebez aldında torğan maqsatlar. Şuşı maqsatlar belän bez Noyäber saylawların ciñep çığaşaqbız. "
John Kerry üzeneñ kompaniä barışında xäzerge prezident George Bushnıñ iqtisadi säyäsäten, terrorğa qarşı suğışın tänqitläwgä basım yasadı. Bu mäsälälärne ul uzğan töndä dä telgä aldı:
Audio (John Kerry)
"Bezneñ köndäşlär eş urınnarı, sälämätlek saqlaw, finans cawaplılıq mäsäläsendä bezneñ belän yarışa almıy. Zamanında George Bush min ''berläşterüçe'' bulam dip wäğdä itkän ide, çınbarlıqta ul ''böyek bülüçe'' bulıp çıqtı."
Demokratlarnıñ prezidentlıqqa namzäte räsmi räweştä Yül ayında iğlan iteläçäk. Berär ğädättän-tış xäl genä kilep çıqmasa, bu keşe --John Kerry bulaçaq. Şulay itep, noäyber ayında ütäçäk prezident saylawlarında xäzer Aq Yortta utırğan respublikan George Bushqa qarşı demokratlardan John Kerry köräşäçäk. Bush uzğan töndä Kerrrynı telefon aşa qotladı häm dä kiläse saylawlardan canlı, äwzem köräş kötüwen äytte.
Ali Gilmi, Praga
Bu üzeneñ saylawçılarına räxmäten beldergän senator John Kerry ide, xörmätle tıñlawçılar. Demokratlarnıñ primaries dip atalğan berençel saylawları uzğan töndä beryulı 10 ştatta ütte, şul isäptän, New York, California kebek iñ ere ştatlarda. Şul säbäple alar "Super Sişämbe" dip atala. Kerry 10 ştatnıñ 9-nda ciñep çıqtı. Barı tik VermOnt saylawçıları üz tawışların elekke gubernatorları Howard Dean''ğa birde, gärçä ul, yarıştan çığuwı turında beldersä dä.
Şulay itep, baştaraq citdi qabul itelmägän, Vietnam suğışı qaharmanı, 60 yäşlek Massachusets senatorı John Kerry 6 atna eçendä 30 ştatnıñ 27sendä ciñep çığıp, üzeneñ demokrat köndäşlärenä ber ömet tä qaldırmadı. Alar ber-ber artlı yarıştan töşä bardı. Köndäşneñ soñğısı, Tönyaq Carolina senatorı John Edwards üzeneñ çigenüwe turında bügen iğlan iter dip kötelä. Kiçä soñğı näticälär mäglüm bulğaç, ul ciñelüwen tanıp bolay dide:
Audio (John Edwards)
"Forsattan faydalanıp, dustım senator John Kerrynı qotlıysım kilä. Ul bik köçle kompaniä alıp bardı: kübräk eş urını, yaxşıraq sälämätlek saqlaw, çistaraq möhit, iminräk dönya – bolar barısı da bezneñ alda, bezneñ partiä aldında, ilebez aldında torğan maqsatlar. Şuşı maqsatlar belän bez Noyäber saylawların ciñep çığaşaqbız. "
John Kerry üzeneñ kompaniä barışında xäzerge prezident George Bushnıñ iqtisadi säyäsäten, terrorğa qarşı suğışın tänqitläwgä basım yasadı. Bu mäsälälärne ul uzğan töndä dä telgä aldı:
Audio (John Kerry)
"Bezneñ köndäşlär eş urınnarı, sälämätlek saqlaw, finans cawaplılıq mäsäläsendä bezneñ belän yarışa almıy. Zamanında George Bush min ''berläşterüçe'' bulam dip wäğdä itkän ide, çınbarlıqta ul ''böyek bülüçe'' bulıp çıqtı."
Demokratlarnıñ prezidentlıqqa namzäte räsmi räweştä Yül ayında iğlan iteläçäk. Berär ğädättän-tış xäl genä kilep çıqmasa, bu keşe --John Kerry bulaçaq. Şulay itep, noäyber ayında ütäçäk prezident saylawlarında xäzer Aq Yortta utırğan respublikan George Bushqa qarşı demokratlardan John Kerry köräşäçäk. Bush uzğan töndä Kerrrynı telefon aşa qotladı häm dä kiläse saylawlardan canlı, äwzem köräş kötüwen äytte.
Ali Gilmi, Praga