Hindstan belän Paqıstan arasında Kaşmir problemı häm atom iminlege xaqında söyläşülär 27, 28 yündä ütäçäk.
Bu xaqta Hindstannıñ tışqı äşlär ministrı Natwar Singx xäbär itte. Anıñ süzlärenä qarağanda, bu oçraşuda ike yaqtan da iñ yuğarı däräcädäge diplomatlar qatnaşaçaq. Söyläşülär ütäse urın älegä bilgele tügel. Hindstannıñ yaña xökümäte, Paqıstan belän ike aranı cayğa salu, säyäsättä iñ möhim yünäleşlärneñ berse bulaçaq dip beldergän ide.
