Çeçnyanıñ Vedeno rayonında bügen irtän çeçen suğışçıları belän atışlarda ike Rusiä soldatı hälaq bulğan, öçese yaralanğan. Groznıyda kiçä kiç üzäk bazar yanında urlanğan ike militsionernıñ mäyete tabılğan. Bu ütereşkä qarata cinayät eşe açılğan. Bügen “Nezavisimaya gazeta”da basılıp çıqqan äñgämäsendä, Yevropa şurası Parlament assambleyası wäkile Rudolf Bindig Çeçnyada elekkeçä, iminlek probleması çişelmägän, keşe xoquqları bozıla dip belderde. Bindig fikerençä, 29 awgusta bulaçaq prezident saylawları waqıtında iminlekne häm küzätüçelär eşen täemin itü mömkin bulmayaçaq.
