Bağdadta maşinağa quyılğan bomba şartlap kimendä 8 keşe hälak buldı. Eçke eşlär ministrlığı süzlärenä qarağanda 29 keşe yaralanğan. Şartlaw mäğärif ministrlığı yanında bulğan. Tirä yaqtağı berniçä maşinağa zıyan tigän. Bügen irtän amerikan ğaskärläre könbatıştağı Falluca şähärenä hawa höcümnäre yasadı. Ğaskärlärneñ Bağdadtağı matbuğat wäkile – höcümnär şähärdä qaçqan dip farazlanğan suğışçılarğa qarşı yünälderelä, dip belderde. Uzğan töndä ike neft ütkärgeçenä höcüm itelgän.
Al Qaida belän bäyläneştä torğan Abu Musab al-Zarqawi törkeme 24 yäşlek yapon turistı Şosei Koda'nıñ başın kisüne sürätlägän tasmanı internetqa quyğan.
