Çeçnya prezidentı wäkile Äxmät Zakaev Belgiägä kilgän oçraqta Belgiä politsiäse anı qulğa alaçaq. Bu turıda bügen Belgiäneñ Eçke Eşlär ministrlığı wäkile Laurent Panneels xäbär itte. Anıñ süzlärençä, Zakaev Belgiädä totılsa kire Britaniägä cibäreläçäk. Äxmät Zakaev xäzer Britaniädä sörgendä yäşi. Kiläse atnada Brusseldä Zakaev Rusiäneñ keşe xoquqları yaqlawçıları häm Soldat Anaları komitetı wäkilläre belän oçraşırğa tieş ide.
