Rusiäneñ Tönayq Kavkazdağı xärbi köçläre bügen ike çeçen komandirın üterelüläre turında xäbär itte. Ğäskär süzçese İlya Şabalkin süzlärençä, bügen Çervlennaya awılı yanında bulğan bäreleşlärdä hälaq bulğannarnıñ berse – Aslan Baraev – ike yıl elek Mäskäwdäge Dubrovka teatrında 800 keşene totıq itep alğan Movsar Baraevnıñ enese. İkençese – Alixan Maşugov – "Groznıy ämire" bularaq tanılğan, sintäberdä Groznıyda ber Rusiä xärbien häm 3 militsiä xezmätkären üterüdä ğäyeplängän bulğan.
