Qırğızstan polisiäse xäbär itüençä, kiçä kiç parlament äğzase Bayaman Erkinbayevqa höcüm yasalğan, ütep barğan maşinadan ut açılğan. Deputat yaralanğan. Erkinbayev üze, höcümneñ säyäsi säbäpläre bar, dip belderde, ämma general prokuror Azimbek Beknazarov, säyäsi säbäplärne kire qaqtı. Qırğızstannıñ iñ bay eşmäkärlräennän sanalğan Erkinbayev, prezident saylawlarında qatnaşaçağın beldergän ide. Anıñ könyaqtağı Oş şähärendä üzeneñ Kung-Fu mäktäbe bar. Häm anıñ süzlärenä qarağanda, näq anıñ uquçıları mart ayında prezident Asqar Aqayevnı urınınnan çitläşterü cıyınnarında qatnaşqan.
