Bügen biredä Qazaxstan prezidentı Nursoltan Nazarbayev belän Qıtay prezidentı Hu Jintao oçraşıp strategik xezmättäşlek turında urtaq deklaratsiä imzaladı.
Hu jurnalistlarğa bu deklaratsiä tarixi ähämiätkä iä dide.
Nazarbayev isä bu kileşüne ğasır dokumentı dip atadı.
AUDİO: Bu söyläşülär ğädättägeçä dustanä häm cılı atmosferada uzdı. Bez strategik xezmättäşlekneñ xäle häm üseş mömkinlekläre, uzara xezmättäşlek problemaları, käsepçelek-iqtisad, humanitar problemalar turında söyläştek. Küptörle xalıqara problemalar turında fiker alıştıq.
Nazarbayev şulay uq Qazaxstannan Qıtayğa neft' ütkärgeç tözeleşe 16-nçı dikäberdä tämamlanırğa tieş dide. İrtägä Astanädä Şanxay Xezmättäşlek Oyışmasına kergän illärneñ citäkçeläre oçraşa. Älege İminlek ölkäsendä xezmättäşlek oyışmasına Qıtay, Qazaxstan, Qırğızstan, Rusiä, Taciqstan häm Üzbäkstan kerä. Oçraşuda şulay uq küzätüçe statusı sorağan İran, Hindstan häm Paqstan wäkilläre dä qatnaşaçaq.
