Rusiäneñ säwdä ministrı German Gref ike il arasındağı iqtisadi kierenkelekne yomşaru öçen bügen Ukrainağa kilde. Grefnıñ premyer-ministrı Yulia Tımoşenko häm başqa räsmi wäkillär belän oçraşuı qaralğan. Söyläşülär köntärtibendä üzara säwdä, ike ilneñ Dönya Säwdä Oyışmasına kerü tırışlığı, Rusiäneñ, elekke Sovetlar Berlege illäre arasında säwdäne yaxşırtu öçen iqtisadi berlek tözü niäte. Rusiä ministrınıñ säfäre aldınnan Ukrainanıñ Unian mäğlümat agentlığı, Gref süzlären kiterep, Rusiä Ukrainanı " säwdä häm iqtsiadi eşlärne ciñel oyıştıru öçen zur häm möhim partner bularaq" qabul itä, dip xäbär itte.
