Mäskäw -- Mäskäwneñ Üzäk bülge räsmiläre "Bez" xäräkätenä piket ütkärüne tıyğan. Prefektura wäkile bu qararnı xäräkätneñ niätläre töğäl bulmawı belän añlatqan. Anıñ süzlärençä, ber oçraqta alar piket, ikençe oçraqta miting ütkärergä röxsät sorağan. Xäräkät aktivistları äytüençä, tıyunıñ säbäbe – alarnıñ prezident Putinnı urınınan kitergä çaqıruları – ekstremizm küreneşe dip tabılğan. "Bez" xäräkäte citäkçese Roman Dobroxotov prefektura räsmilären mäxkämägä birergä cıyına.
