Qazannıñ ber yaña yortında gaz şartlap, bik küp maşinalar kirpeç astında qalğan, distälärçä fatirlar täräzäsez. Bu faciğä buyınça cinayät eşe quzğatılğan. Gaz ber fatirda cıyılıp, şartlağan öçen kem cawaplı ikänlegen aldan äytü qıyın, xäzergä şunsı bilgele 34 yäşlek ber xanım oktäber axırında älege fatirnı satıp alğan häm düşämbe irtäsendä üz fatirında elektr utı qabınğan mizgeldä şunda cıyılğan gaz şartlap, bu xanım üze häläk bulğan, xätta anıñ başı qayadır özelep oçqan. Ni ğäcäp cimerelgän diwar kirpeçlärendä sement eretmäse ezläre dä kürenmi ikän, ällä şartlaw bik köçle bulğan, ällä tözüçelär xaltura eşlägännär. Saqlanğannı Alla da saqlıy, ä bälä ağaç başınnan tügel, ä keşe başınnan yöri. Bu faciğä qazanlılarnı tetränderde. Fani dönyada barısı da bulırğa mömkin. Äle genä böten häm imin äyberlär ber mizgeldä yuqqa çığa, bar närsä dä Alla qulında.
Rimzil Wäli