Ğiraq sönniläreneñ töp firqäse bulğan İslam partiäse – Eçke eşlär ministrlığı törmäsendä mäsxäräläw turındağı xäbärlärgä xalıqara tikşerü ütkärergä çaqırdı. Partiä süzçese Ala Makki, bu ğämällär Amerikan xärbiläre beldege belän qılınğan dip alarğa ğäyepläw belderde. Yäkşämbedä amerikän xärbiläre Ministrlıqnıñ Bağdadtağı binasına reid yasağanda, anda 170 totqın buluın açıqlağan, kübese sönnilär. Ğiraq premier-ministrı İbrahim Cağfari süzlärençä, bu totqınnar aşatılmağan, qayberläre cazalanğan. Ul arada, Amerikan häm Ğiraq xärbiläre Süriä çigendäge Obeidi qalasında ğisyançılarğa qarşı ğämällären däwam itä. Amerikan xärbiläre äytüençä, soñğı 2 köndä 80 ğisyançı häm 3 amerikan xärbie häläk bulğan. Sişämbedä Bağdadnıñ tönyaq-könbatışında yulğa quyılğan bomba şartlaw näticäsendä tağın 3 amerikan xärbie häläk bulğan.
