29, 30 noyäber könnärendä Omskida dinnär ara konferensiä bulıp uzdı. Pravoslavie, möselman, iudey, lyuteran dinnäre ähelläre inde 19-nçı yıl rättän bergä cıyılıp, könüzäk problemalarnı urtağa quyıp söyläşälär. Ğädättä mondıy cıyınnarda ğalimnär, taliblär, mädäniät xezmätkärläre qatnaşa, ä bıyıl milli oyışmalar citäkçeläre dä çaqırılğan ide. Süz anda ğailä turında bardı. Çığış yasawçılar, barlıq dinnärdä dä ğailägä qarata mönäsäbät izgelekle, dini tärbiä ğailälärgä nıqlıq birä,- dip bilgelädelär. Çığış yasawçılar da törle dinnär wäkilläre, konferensiä dä “dinnär ara” digän baş astında barsa da, anıñ teması “Çirkäw häm ğailä - ruxi traditsiälärne saqlaw” dip isemlängän ide.
Yazma - Tastenov
“Ana tele” qazax oyışması räise Serikbay Abil ulı Tastenov “Azatlıq” xäbärçesenä, bügenge konferensiä xristiannar dine konferensiäse, kiläçäktä möselman konferensiäse ütkärü kiräk, anı ütkärü mäçetlär imamnarınıñ burıçı dip isäplimen,- dip belderde.
Möselman din ähelläre üzläre dä konferensiä ütkärü yaxşı bulır ide dip sanıylar. Xayır-İxsan mäçete imamı Bota xäzrät, andıy çara küp çığımnar talap itä, finans yağı xäl itelsä hiçşiksez ütkärer idek,- di. Ämma älegä bu eştä başlap yörüçe tabılmağan.
Rozaliä Sayganova, Omski