Rim Papası Benedict XVI Katolik Çirkäw başlığı bularaq berençe märtäbä Raştua möräcäğäte belän çıqtı.
"Ğäysä päyğämbärneñ tuuı çın bäxetneñ qayda buluın dönyanıñ isenä töşersen häm sezneñ küñelläregez ömet häm şatlıq belän tulsın" dide Benedict.
Papa şulay uq keşelär zamança intellektual häm texnik qazanışlarğa artıq birelep ruxi yarlılıqqa, küñel buşlığına duçar bulırğa mömkin dip kisätte.
Papa Sudandağı Darfur xalqı, Aziädäge tabiğat qazalarınnan cäfa çigüçelär xaqına häm Yaqın Könçığışta tınıçlıq urnaşsın dip maxsus doğalar uqıdı.
