Истанбулда шигърият бәйрәме узды

Чарада катнашучыларның күпчелеге балалар булды

Чараны Алсу Рәхмәтуллина алып барды 

Чара Истанбулның Топкапы паркында урнашкан Татарстан музей-йортында узды

Бәйрәмгә килгән балалар калфактан, милли киемнән булды

Балалар остаханәдә милли кул эшләнмәләрен ясады

Истанбулда озак еллар дәвамында яшәүче, дүрт бала әнисе Зилә Нәҗипова Тукай бәйрәме татарларны берләштерә дип аңлатып сөйләде

Галимә Ләйсән Шаһин чыгышында Тукай кыска гомер яшәсә дә бай мирас калдыра алды дип аңлатты

Истанбулга сәфәр белән килгән журналист Флюра Абдуллина бәйрәмдә шигырь укыды

Бәйрәмдә катнашучы балалар татарча шигырьләр сөйләде

Туган телдә җырлар да башкаручылар табылды

Сәнгагатьле сөйләм буенча осталык үрнәге дә күрсәтелде

Габдулла Тукайның тормыш юлын, иҗатын өйрәнгән галим Зөфәр Рәмиевның улы Булат Рәмиев озак еллар дәвамында Истанбулда яши, алар хатыны белән балаларын татар итеп тәрбияли. Булат Рәмиев әтисенең эшчәнлеге турында бераз сөйләде

Бәйрәм татар милли ризыкларсыз булмый! Һәр кеше өчпочмак, пәрәмәч, чәкчәк, мәтрүшкәле чәй белән сыйлана алды

Бәйрәмгә сабый балалары белән килүчеләр дә бар иде. Менә бу бәби әнисенең җырлаганын алып баручы Алсу апасы Рәхмәтуллина итәгенә утырып сабыр гына көтте

Бәйрәмдә башкорт милләтеннән кунаклар да бар иде, алар үз милли киемнәреннән булды

Эшмәкәр Ленар Рахманов Тукай турында сорауларга балалар ничек җавап биргәнен игътибар белән тыңлады

Асылъяр исемле татар кызы әнисе Ләйсән белән милләттәшләренең чыгышын тыңлый

Башкорт гаиләсе "Туган тел" җырын башкортча җырлап күрсәтте

Татарча чара икән, башта түбәтәй яки калфак булуы мәслихәт!

Татар кызы икәнен белгерткән киемнәр

Өй түрендә — Тукай рәсеме, йорт шулай ук Татарстан байраклары төсендәге шарлар белән бизәлгән иде, байраклар үзе дә бар иде, болар барысы да бәйрәм рухын көчәйтте генә.

Балалар өчен бәйрәм күңелле дә, файдалы да узды

Чарада катнашучылар күп булганга балалар идәнгә тезелеп утырып тамаша кылды. Әлеге мизгелдә алар бер-берсен уздырып "Кем ул Тукай?" дигән сорауларга җавап бирә.