Aña qädär isä ike il dä NATOğa kerü taläplären ütäw yünäleşendä şaqtıy ğına eş başqarırğa tieş bulaçaq. Kiev tä, Tiflis tä Könbatışnıñ saqlanu çeltärenä quşılu öçen soñğı aralarda nindider çaralar kürde-kürüen, ämma belgeçlär fikerençä, alar älegä citärlek däräcädä tügel.
Gruziä, misal öçen, üzendä şaqtıy qatlawlı säyäsi reformalar ütkärergä häm Abxaziä wä Könyaq Osetiä kebek üzennän ayırılırğa omtılğan töbäklär belän nizağın niçek tä bulsa xäl itärgä tieş. Mäğlüm ki, andağı separatistlarnı Rusiä oçındırıp tora.
Ukraina aldında isä NATOğa quşılu mäs'äläsendä säyäsi elita häm cämäğätçelektä bulğan tirän qarşılıqnı beterü bulmasa da, kimetü maqsatı tora. Moñardan tış anda ilneñ qorallı köçlären sivil citäkçelek qaramağına küçerü eşe dä tögällänmägän.
NATO räsmiläreneñ süzlärenä qarağanda, ğäskären Könbatış standartlarına kiterü ölkäsendä Kievtäge xökümät inde küpmeder eş başqarğan. Ämma borçu uyatırlıq mäs'älälär dä äle bar - mäsälän, eçke eşlär ministrlığınıñ üz qorallı köçläre buluı, alarnıñ säyäsättä aktiv qatnaşuı häm reformalarğa bik birelmäwe.
Bu qorallı bülekçälär ministrğa turıdan-turı buysına, häm üzenä kürä ber säyäsi ğäskär bulıp tora. NATO küzlegennän qarağanda, bu bötenläy qabul itelmäslek närsä.
Yuçenko Ukrainanıñ NATOda bului faydağa, diPrezident Yuçenko şuşı çikläwekne watırğa tırışıp qarasa da, älegä uñışqa ireşä alamadı. Eçke eşlär ministrlığı köçlären ul turıdan-turı prezidentqa buysına torğan Däwlät Gwardiäse itep üzgärtergä telägän ide. Ämma şuşı sişämbedä genä Ukrainanıñ Yuğarı Radası Yuçenkonıñ älege täqdimen kire qaqtı.
Ukraina prezidentı berük waqıtta cämäğätçelekneñ NATOğa şiklänep qarağan öleşenä monıñ il kiläçäge öçen yaxşığa buluın kürsätergä tırışa. Ämma älegä NATOnı yaqlaw Ukrainada bik tübän. Yuçenkonıñ säyäsi köndäşe Viktor Yanukoviç häm anıñ Töbäklär partiäse Ukrainanıñ NATOğa quşıluına yul quymayaçağın belderep tora.
Xätta Yuçenkonıñ berektäşe sanalğan, ğädättä anıñ ğämällären yaqlap kilgän Yuliä Timoşenko da NATO mäs'äläsendä prezidentnı xuplarğa atlığıp tormıy.
NATO mäs'äläse Ukrainada 2010-nçı yılda uzaçaq çirattağı prezident saylawında töp problemağa äylänergä tora şulay itep.
Gruziädä qorallı köçlärne reformalaw, alarnı NATO taläplärenä turı kiterü Ukrainağa qarağanda uñışlıraq bara, ämma inde äytelgänçä, anıñ çişelüe ifrat ta awır bulğan başqa problemaları - Abxaziä häm Könyaq Osetiä bar.
Alda torğan menä şuşı kirtälär säbäple, Ukraina häm Gruziäneñ NATOğa quşılu omtılışları ğämälgä, alar üzläre ömetlängänçä, şuşı yıl azağına tügel, ä bälkem dä 2009da, NATO üzeneñ 60 yıllığın bilgelägändä aşır dip farazlana.
Gruziä, misal öçen, üzendä şaqtıy qatlawlı säyäsi reformalar ütkärergä häm Abxaziä wä Könyaq Osetiä kebek üzennän ayırılırğa omtılğan töbäklär belän nizağın niçek tä bulsa xäl itärgä tieş. Mäğlüm ki, andağı separatistlarnı Rusiä oçındırıp tora.
Ukraina aldında isä NATOğa quşılu mäs'äläsendä säyäsi elita häm cämäğätçelektä bulğan tirän qarşılıqnı beterü bulmasa da, kimetü maqsatı tora. Moñardan tış anda ilneñ qorallı köçlären sivil citäkçelek qaramağına küçerü eşe dä tögällänmägän.
NATO räsmiläreneñ süzlärenä qarağanda, ğäskären Könbatış standartlarına kiterü ölkäsendä Kievtäge xökümät inde küpmeder eş başqarğan. Ämma borçu uyatırlıq mäs'älälär dä äle bar - mäsälän, eçke eşlär ministrlığınıñ üz qorallı köçläre buluı, alarnıñ säyäsättä aktiv qatnaşuı häm reformalarğa bik birelmäwe.
Bu qorallı bülekçälär ministrğa turıdan-turı buysına, häm üzenä kürä ber säyäsi ğäskär bulıp tora. NATO küzlegennän qarağanda, bu bötenläy qabul itelmäslek närsä.
Ukraina prezidentı berük waqıtta cämäğätçelekneñ NATOğa şiklänep qarağan öleşenä monıñ il kiläçäge öçen yaxşığa buluın kürsätergä tırışa. Ämma älegä NATOnı yaqlaw Ukrainada bik tübän. Yuçenkonıñ säyäsi köndäşe Viktor Yanukoviç häm anıñ Töbäklär partiäse Ukrainanıñ NATOğa quşıluına yul quymayaçağın belderep tora.
Xätta Yuçenkonıñ berektäşe sanalğan, ğädättä anıñ ğämällären yaqlap kilgän Yuliä Timoşenko da NATO mäs'äläsendä prezidentnı xuplarğa atlığıp tormıy.
NATO mäs'äläse Ukrainada 2010-nçı yılda uzaçaq çirattağı prezident saylawında töp problemağa äylänergä tora şulay itep.
Gruziädä qorallı köçlärne reformalaw, alarnı NATO taläplärenä turı kiterü Ukrainağa qarağanda uñışlıraq bara, ämma inde äytelgänçä, anıñ çişelüe ifrat ta awır bulğan başqa problemaları - Abxaziä häm Könyaq Osetiä bar.
Alda torğan menä şuşı kirtälär säbäple, Ukraina häm Gruziäneñ NATOğa quşılu omtılışları ğämälgä, alar üzläre ömetlängänçä, şuşı yıl azağına tügel, ä bälkem dä 2009da, NATO üzeneñ 60 yıllığın bilgelägändä aşır dip farazlana.