Şuşı uñaydan här yıldağı kebek bıyıl da törle yollalar ütkärelde. Bu kön ber ük waqıtta Balalar Bäyräme bulu säbäple premierlek kebek räsmi dairälärdä simvolik räweştä balalar utırtıldı. Bu inde yolalarnıñ matur yağı ide. Ämma säyäsät säxnäsendä, bälki dä berençe märtäbä bularaq, ildäge säyäsi kierenkelek küzgä bärelde.
Yolalar başta Törkiä respublikasınıñ tözüçese Mostafa Kemal Atatörekneñ başqala Ankaradağı movzeleyenä vizit belän başlana. Bire barlıq säyäsi partiä citäkçeläre qatnaşa. Prinsipta xökümät başlığı belän parlamenttağı töp oppozitsiä partiäseneñ citäkçese yänäşä baralar. Läkin bu yulı premier Erdogan belän töp oppozitsiä citäkçese Comhuriät Xalıq partiäse liderı Baykal yänäşä kilmädelär. Ber kön elek isä prezident Gülneñ prezidentlıq sarayında säyäsi partiä liderların töşke aşqa çaqıruına Baykal qatnaşmağan ide. 23-nçe Aprelda isä movzoleyğa yasalğan vizittan soñ millät mäclese urnaşqan iske parlament binasında cıyılış ütkärelde.
Töştän soñ isä, bu yulı partiä liderları da çığış yasağan xäzerge parlament binasınıñ utırış zalında cıyılış ütkärelde. Prinsipta bu yola utırışında liderlar comhuriät çorınıñ qazanışları turında söylilär. Tıñlawçılar urınında general ştab başlığı belän xärbi köçlärneñ komandirları bula. Läkin bu yulı kiresençä buldı, komandirlar protest belderep parlamentnıñ bu cıyılışına qatnaşmadılar häm premier belän töp oppozitsiä liderı ber berlären ğäyepläp çığışlar yasadılar. Kiçen isä Parlament räise Toptan tarafınnan birelgän sıy mäclesenä AK partiälelär başları bäyle xatınnarıñ kitermiçä ber üzläre genä qatnaştılar, xärbilär bu fuşärgä dä qatnaşmadılar, şulay uq CXP liderı Baykal da qatnaşmadı.
Töştän soñ isä, bu yulı partiä liderları da çığış yasağan xäzerge parlament binasınıñ utırış zalında cıyılış ütkärelde. Prinsipta bu yola utırışında liderlar comhuriät çorınıñ qazanışları turında söylilär. Tıñlawçılar urınında general ştab başlığı belän xärbi köçlärneñ komandirları bula. Läkin bu yulı kiresençä buldı, komandirlar protest belderep parlamentnıñ bu cıyılışına qatnaşmadılar häm premier belän töp oppozitsiä liderı ber berlären ğäyepläp çığışlar yasadılar. Kiçen isä Parlament räise Toptan tarafınnan birelgän sıy mäclesenä AK partiälelär başları bäyle xatınnarıñ kitermiçä ber üzläre genä qatnaştılar, xärbilär bu fuşärgä dä qatnaşmadılar, şulay uq CXP liderı Baykal da qatnaşmadı.
Xakimiättäge AK partiä belän CXP häm armiä arasındağı kierenkelek asılda AK partiä östennän Konstitutsiä mäxkämäsendä ildäge laisizm, yäğni dinne däwlät eşlärennän ayıru prinsipın bozu ğäyebe belän xökem protsesı başlanuwı kierenkelekne üsterde. General ştab ta CXP dä AK partiä rejimnı almaştırırğa tırışa dip şiklänälär. AK partiä xökem protsesına Avropa Berlege arqılı basım yasata digän ğäyepläwlär dä bar.
Östäwenä ekonomik tormışta krizis bilgeläre ğadi watandaşlarnı da borçıy başladı. İngliz gazetası Ғinancial Timesneñ 23-nçe Aprelda basılıp çıqqan Vincent Roland belän John Tornhillneñ “Törkiäne awır könnär kötä” digän urtaq mäqaläse Törkiädäge säyäsi kierenkelekneñ citdi buluwına işarä itä.