24 sentäberdä Törkiädä başlanğıç häm urta mäktäplär öçen uqu yılı başlandı. Ramazan bäyräme bulğanlıqtan, bıyıl mäktäplär beraz soñraq qalıp açıldı.
İstanbulda tatarlarnıñ iftar mäclese ütte. Mäcles İstanbul Böyek şähär bälädiäse tarafınnan tözelgän «Törek öyläre» kompleksında uzdı.
8-9 sentäber könnärendä İstanbul häm anıñ tirä-yağındagı rayonnarda qatı yawım-töşem buldı. Bu isä su taşqını hälaqätenä kiterde.
Törek citäkçelege soñğı aylarda zur bäxäslär tudırğan ike möhim proyektnı kön tärtibenä kiterde. Berençese - il eçendäge kördlär probleması, ikençese - kürşe Ärmänstan belän diplomatík mönäsäbätlär urnaştıru.
Törek xökümäte tarafınnan alğa sörelgän körd proyıqtı buyınça qabınğan qızu bäxäslär berniçä atnalardan birle däwam itä.
Törek cämäğätçelege bu atnada Könçığış Törkestanda bulğan waqiğalarnı zur borçılu belän küzätep bardı. İlneñ törle şähärlärendä Qıtayğa qarşı protestlar buldı.
Törkiä iqtisadı 2009 yılnıñ berençe çiregendä - 13,8 %-qa tägäräde. Bu ikençe dönya suğışı waqıtındağı kürsätkeçlärgä bik yaqın. 2008 häm 2009 yıllarnıñ berençe çireklärendä törek iqtisadınıñ xäle köçsezlände.
26 iyündä Anqarada Generalştab başlığı general İlkär Başbuğ: “Törek qorallı köçlärenä qarşı qayber oyışmalar asimetrik psixologik xäräkät alıp bara”, dip äytte.
Ütkän atnada “Taraf” gazetası “Xärbilärneñ AK partia belän Fethullah Gülen xäräkäten cimerü planı” digän dokument bastırıp çığardı.
Strasburgtağı Evropa keşe xoquqları mäxkämäse Törkiäne ğailädä köç qullanunı tuqtata almağanlıqta gäyeple tabıp, zıyan kürgängännärgä aqçalata kompensatsiä tülärgä xökem itte.
4 iyüldä Törkiädä “Yaña eş urınnarına kapital saluğa xökümätneñ yärdäm paketı” iğlan itelde. Ämmä bu proyektnı xuplamawçılar da bar.
6 iyün könne İstanbulnıñ Yevropa öleşendä, näq borınğı şähär nığıtmaları yanında Topqapı mädäniät parkında Tatarstan mädäniät yortınıñ açılış tantanası uzdı.
Bu atna başında İstanbulnıñ “Ceylan Intercontinental” isemle otelendä 7-nçe Yewraziä Islam şurası açıldı. Anı Törkiäneñ din eşläre räislege oyıştıra. Monda 42 ildän 80-läp din eşleklese qatnaşa.
Bu atnada Törkiädä kördlärgä östämä xoquqlar birü mäsäläse kön üzägendä ide.
Bilgä awılında tuy waqıtında bulğan wäxşi üterüne prezident Gül, artta qalğanlıq, dip bäyäläde. Bu artta qalğanlıq Törkiäneñ Yewropa Berlegenä ayaq basuın kiçektermäsme?
Soñğı ber-ike atnada Törkiädä terror waqiğaları yäki terror belän bäyle xäbärlär xalıqta tıñğısızlıq uyattı. Monıñ täsire isä tormışnıñ törle tarmaqlarında üzen sizderä.
Törkiä tışqı eşlär ministrı Ali Babacan Törkiä belän Ärmänstan arasındağı mönäsäbätlärneñ totrıqlanuı öçen ike ilneñ urtaq qaraşqa kilüe häm monıñ öçen yullarnıñ bilgelängän buluın äytte.
Törkiädä artqan eşsezlek citdi tös aldı. Monıñ säyäsi häm sotsial' tormışqa da tiskäre yoğıntısı bulaçaq. Yäğni xakimiättäge AQ partiä awır xäldä qaluı mömkin.
Azärbaycan-Ärmänstan-Törkiä öçpoçmağında tınıçlıqnıñ urnaşuına baytaq kirtälär bar. Çik açılmıy torıp ärmännär üz milli simvolı Ararat tawına eraqtan ğına qarap toraçaq.
Berniçä könnän AQŞ prezidentı Barak Obama Törkiägä kiläçäk dip kötelä. Bu Ankaranıñ uñışı dip bäyälänä ala, di belgeçlär.
дәвам
