11 mayda uzğan saylawdan soñ barlıqqa kilgän säyäsi upqınnı taraytu ay yarım waqıt aldı. Ämma axırğı çiktä kileşüne deputatlarnıñ küpçelege yaqladı, qarar düşämbe kiç iğlan itelde.
"Tawış birüdä sosialist firqaseneñ 258 äğzase qatnaştı, Tadiç koalisiäsenä quşıluğa alarnıñ 11re genä qarşı çıqtı. Bu awır qarar buldı, ämma bu – waqıt taläbe ide. Urtaq fikerdä bulmağan köçlär belän xezmättäşlek itergä telämim dip äytü ciñel. Ämma bez Tadiç firqase belän bergä bulunı inde 2004 yılda uq xäl itkän idek," - dide Sosialist partiäse räise İvica Daciç.
Tadiç köçläre 11 may saylawında tawışlarnıñ küpçelegen aldı, ämma 250 keşelek parlamentta küpçelekne ala almadı.
Bu saylawda ikençe häm öçençe kilgän millätçe radikallar häm wazifasınnan kitüçe premyer-ministr Vojislav Koştunicanıñ partiäse Brüssel säyäsätenä qarşı berläşer digän farazlar tudı. Yağni Yevropa Berlegeneñ Kosovonıñ bäysezlen yaqlawına qarşı çığıp kübräk Rusiä yaqlı säyäsät alıp baru ixtimalı turında süz bardı.
Yevropa Berlegeneñ kiñäyü komissionerı Olli Rehn kileşü turında prezident Boris Tadiçtan räsmi belderü kötä, ämma xäzerdän ük Rehn, Serbiäneñ Yevropa yulınnan baraçağına ömet belderde.
Tadiçnıñ sosialistlar belän niçek eşliäçägen, alarğa nilär täqdim itäçägen äle äytü qıyın. Qayçandır Slobodan Miloşeviç citäklägän bu köçlär xäzer külägädä qala. Belgradta yäşäwçe säyäsät belgeçe Vuk Stankoviç, azatlıq radiosına, Tadiçqa da bu kileşügä barğanda üzeneñ qayber säyäsi qaraşlarınnan baş tartırğa turı kilde, dide.
Stankoviç: bu qarar - waqıt taläbe"Sosialistlarnı radikallar belän berläşüdän totıp qalu öçen alarğa il külämendä taşlamalar yasarğa turı kilde. Tadiçnıñ mönäsäbätenä kilgändä, elekke xökümät tözelgändä dä ul Koştunica basımı astında wazifasınnan kitep xökümätne citäklärgä aña yul birde. Bügenge xällär ul – Tadiçnıñ şäxsi fikere yäki anıñ firqaseneñ säyäsäte näticäse tügel. Bolar barısı da xäzerge şartlarda tuğan näticä," - dide Vuk Stankoviç.
Xäzer inde xökümät yun azağına qadär tözelep beter digän ışanıç bar. Premyer-ministr urınına demokratlardan elekke finans yäki tışqı eşlär ministrları däğwa itä.
"Tawış birüdä sosialist firqaseneñ 258 äğzase qatnaştı, Tadiç koalisiäsenä quşıluğa alarnıñ 11re genä qarşı çıqtı. Bu awır qarar buldı, ämma bu – waqıt taläbe ide. Urtaq fikerdä bulmağan köçlär belän xezmättäşlek itergä telämim dip äytü ciñel. Ämma bez Tadiç firqase belän bergä bulunı inde 2004 yılda uq xäl itkän idek," - dide Sosialist partiäse räise İvica Daciç.
Tadiç köçläre 11 may saylawında tawışlarnıñ küpçelegen aldı, ämma 250 keşelek parlamentta küpçelekne ala almadı.
Bu saylawda ikençe häm öçençe kilgän millätçe radikallar häm wazifasınnan kitüçe premyer-ministr Vojislav Koştunicanıñ partiäse Brüssel säyäsätenä qarşı berläşer digän farazlar tudı. Yağni Yevropa Berlegeneñ Kosovonıñ bäysezlen yaqlawına qarşı çığıp kübräk Rusiä yaqlı säyäsät alıp baru ixtimalı turında süz bardı.
Yevropa Berlegeneñ kiñäyü komissionerı Olli Rehn kileşü turında prezident Boris Tadiçtan räsmi belderü kötä, ämma xäzerdän ük Rehn, Serbiäneñ Yevropa yulınnan baraçağına ömet belderde.
Tadiçnıñ sosialistlar belän niçek eşliäçägen, alarğa nilär täqdim itäçägen äle äytü qıyın. Qayçandır Slobodan Miloşeviç citäklägän bu köçlär xäzer külägädä qala. Belgradta yäşäwçe säyäsät belgeçe Vuk Stankoviç, azatlıq radiosına, Tadiçqa da bu kileşügä barğanda üzeneñ qayber säyäsi qaraşlarınnan baş tartırğa turı kilde, dide.
Xäzer inde xökümät yun azağına qadär tözelep beter digän ışanıç bar. Premyer-ministr urınına demokratlardan elekke finans yäki tışqı eşlär ministrları däğwa itä.