Журналист Василий Мельник, Яңа елны каршылау үзенчәлекләреннән чыгып, шундый фикергә килгән. Аннан кайбер өзекләр тәкъдим итәбез.
“Илдә кризиска карамастан, бәйрәмнәр гадәти уздылар: атна-ун көн буе күләмле ашау һәм аннан да күбрәк эчү. Русиянең башкалар кебек үк ил икәнен күрсәтү өчен, телевизор сәгатьләр буе 2009 ел маршын күрсәтте: Япония, Сидней, Кытай, Мәскәү, Питер… Ләкин Русия, алардан аермалы буларак, каты Раштуа постында иде бит: Праваслау диненә каршы килеп, су коенды, ашады, аннан да каты эчте, җырлады, биеде, сугыш баргандай шартлатты, фейерверклар белән мавыкты. Телевизор аша тырышып чукына-чукына, президент та, премьер да, астагырак түрәләр дә үзләренең диндарлыкларын күрсәтте.
Моны дөрес дип санау гадәткә кергән. Биедек тә чукындык, чукындык та биедек. Нәкъ мәгърибчә инде. Тик бит католикларда башта пост – ураза, соңнан - Раштуа, ашау-эчү, фейерверк-ут бәйрәмнәре. Анда табигый: Яңа ел – Христос туган көн – Раштуа. 8-нче көнгә, аны храмга илткәннәр. Һәм шунда яңа ел башлана да. Киресенчә түге-е-ел…
Шунысы кызык: Праваслау чиркәве мондый аллы-артлы ”шиворот-навыворот”ны тыныч кабул итә. Хәтта бер чиркәү башына Чыршы да бастырып куйганнар иде. Чиркәү халыкка якынлыгы белән горурлана кебек. Соңгы елларда праваслау диндарларының ишәюве турында зур саннар китерелә. Патриарх Алексий II-нче үлгәч, Русия халкының 74 проценты праваслау динен тота, диделәр. Бу – үз-үзеңне алдау гына, гамәлдә, диндарлар саны 2-3 проценттан артмый да. Калган 67-68 проценты инанган булып кылана гына. Бу суррогат - атеизмнан да начаррак.
Шулай итеп, Русиядә бәхетсез еллар бер-бер артлы уза баралар. Вакыт-вакыт Ленинны күмәргә өндәүләр ишетелгәли. Имеш, мавзолей илнең алгарышына комачаулый, иманны какшата, тәртипсезлек тудыра. Ләкин бу “тәртипсезлек” Яңа елна каршылау шаукымнары белән чагыштырганда – чүп кенә. Раштуа алдыннан атналар буе эчү кешене соңгы чиккә җиткерә. Шулай килеп чыга инде: патриарх Алексий II-нче бихисап чиркәүләр кайтарды, халыкны дингә кайтара гына алмады.
Чиркәү, реформага җөрьәт итеп, Раштуаны яңа елга кадәр уздыруга күчсә, зарары азрак булыр иде. Тик әлегә бар нәрсә дә аллы-артлы - илдәге тормыш кебек үк”.
Язманың авторы Васидий Мельник мәкаләсен гыйбрәтле мисал белән тәмамлый. Аның туган авылында ялгыз әби 28 декабрьдә вафат булган. Бу әбинең өендә 6 тәүлек буе көне-төне электр уты сүнмәгән, ләкин бер генә күршесе дә аның хәл-әхвәле белән кызыксынмаган. Бары тик, ялгыз әбинең телефон аша җавап бирмәвенә хәвефләнеп, Чабаксардан килгән сеңлесе генә мәрхүмнең туңган гәүдәсенә тап булган.
“Әгәр дә күрше-күләндә бер мыскал гына Богка инану булса, андый битарафлык булыр идеме соң? Элек ничек – бүген дә шулай: инану юк”, - дип тәмамлый үз язмасын автор.
“Илдә кризиска карамастан, бәйрәмнәр гадәти уздылар: атна-ун көн буе күләмле ашау һәм аннан да күбрәк эчү. Русиянең башкалар кебек үк ил икәнен күрсәтү өчен, телевизор сәгатьләр буе 2009 ел маршын күрсәтте: Япония, Сидней, Кытай, Мәскәү, Питер… Ләкин Русия, алардан аермалы буларак, каты Раштуа постында иде бит: Праваслау диненә каршы килеп, су коенды, ашады, аннан да каты эчте, җырлады, биеде, сугыш баргандай шартлатты, фейерверклар белән мавыкты. Телевизор аша тырышып чукына-чукына, президент та, премьер да, астагырак түрәләр дә үзләренең диндарлыкларын күрсәтте.
Моны дөрес дип санау гадәткә кергән. Биедек тә чукындык, чукындык та биедек. Нәкъ мәгърибчә инде. Тик бит католикларда башта пост – ураза, соңнан - Раштуа, ашау-эчү, фейерверк-ут бәйрәмнәре. Анда табигый: Яңа ел – Христос туган көн – Раштуа. 8-нче көнгә, аны храмга илткәннәр. Һәм шунда яңа ел башлана да. Киресенчә түге-е-ел…
Шунысы кызык: Праваслау чиркәве мондый аллы-артлы ”шиворот-навыворот”ны тыныч кабул итә. Хәтта бер чиркәү башына Чыршы да бастырып куйганнар иде. Чиркәү халыкка якынлыгы белән горурлана кебек. Соңгы елларда праваслау диндарларының ишәюве турында зур саннар китерелә. Патриарх Алексий II-нче үлгәч, Русия халкының 74 проценты праваслау динен тота, диделәр. Бу – үз-үзеңне алдау гына, гамәлдә, диндарлар саны 2-3 проценттан артмый да. Калган 67-68 проценты инанган булып кылана гына. Бу суррогат - атеизмнан да начаррак.
Шулай итеп, Русиядә бәхетсез еллар бер-бер артлы уза баралар. Вакыт-вакыт Ленинны күмәргә өндәүләр ишетелгәли. Имеш, мавзолей илнең алгарышына комачаулый, иманны какшата, тәртипсезлек тудыра. Ләкин бу “тәртипсезлек” Яңа елна каршылау шаукымнары белән чагыштырганда – чүп кенә. Раштуа алдыннан атналар буе эчү кешене соңгы чиккә җиткерә. Шулай килеп чыга инде: патриарх Алексий II-нче бихисап чиркәүләр кайтарды, халыкны дингә кайтара гына алмады.
Чиркәү, реформага җөрьәт итеп, Раштуаны яңа елга кадәр уздыруга күчсә, зарары азрак булыр иде. Тик әлегә бар нәрсә дә аллы-артлы - илдәге тормыш кебек үк”.
Язманың авторы Васидий Мельник мәкаләсен гыйбрәтле мисал белән тәмамлый. Аның туган авылында ялгыз әби 28 декабрьдә вафат булган. Бу әбинең өендә 6 тәүлек буе көне-төне электр уты сүнмәгән, ләкин бер генә күршесе дә аның хәл-әхвәле белән кызыксынмаган. Бары тик, ялгыз әбинең телефон аша җавап бирмәвенә хәвефләнеп, Чабаксардан килгән сеңлесе генә мәрхүмнең туңган гәүдәсенә тап булган.
“Әгәр дә күрше-күләндә бер мыскал гына Богка инану булса, андый битарафлык булыр идеме соң? Элек ничек – бүген дә шулай: инану юк”, - дип тәмамлый үз язмасын автор.
