Владимир Путин тәкъдиме белән президент сайлауның гадел үтүен күрсәтү өчен куелган веб-камералар күп нәрсәне күрсәтмәде. Күп кенә урыннарда алар белмәгәнлектәнме, махсусмы ялган бюллетеньнәр ташлауны күрсәтмәслек итеп урнаштырылган иде.
Путин камералары бик хәйләкәр
1
Чаллыдагы веб-камера ике сайлау тартмасының берсен шактый яхшы күрсәтсә дә, икенче тартманың кырыен гына күрсәтә. Ялган бюллетеньнәр ташларга теләгән кешенең кайсы тартма янына киләчәген чамаларга була.
2
Уфадагы бу веб-камера сайлау тартмасыннан шактый ерак куелган. Ул сайлаучының тавыш бирү бүлмәсеннән чыгып тартмага таба килүен күрсәтсә дә, ялган бюллетеньнәр салучының камерага арт белән борылып, канун бозуны каплау мөмкинлеге бар.
3
Белореттагы бу веб-камера ялган бюллетеньнәр салуны ачык күрсәтер иде. Ул тартмага шактый якын урнаштырылган. Русия һәм Башкортстан әләмнәре торганга, тартмалар янына камерага арт белән борылып килү бик сәер булыр иде. Әмма бу камера ялган бюллетеньнәр та
4
Сарман районының Илексаз авылындагы бу веб-камера идән ташларын бик ачык күрсәтә. Әмма сайлау тартмасы игътибардан шактый читтә, һәм биредә дә бюллетеньнәр салуны камерадан гәүдә белән каплау мөмкин.
5
Арчадагы веб-камера яшерен тавыш бирү бүлмәсе өстенә куелган. Күп очракта ул тартмага таба баручыларның аркасын гына күрсәтә.
6
Апаста да веб-камераны сайлау тартмасыннан еракка куйганнар һәм биредә дә ялган бюллетеньнәр ташлау капланырга мөмкин.
7
Чуашстанның Шыгырдан авылында куелган веб-камера ялган бюллетеньнәр ташлаучыга мөмкинлек калдырмый диярлек.
8
Бу сүрәт Пенза өлкәсендәге мәшһүр Әләзән авылындагы веб-камерадан.
9
Ульян өлкәсендәге Иске Кулатка авылындагы бу сайлау тартмасына ялган бюллетеньнәр салынмагандыр дип өметләнергә була.
