Соңгы көннәрдә Төркиянең күп кенә шәһәрләрен көч куллануларга әверелгән протест чаралары биләп алды. Бу – Төркиядә соңгы еллардагы иң зур протест чаралары. Протест белдерүләр Истанбулның Таксим мәйданы янындагы бер паркта төзелешкә рөхсәт бирелгәннән соң башланды. Полиция анда протест белдерүчеләрне каты көч кулланып бастырганнан соң ризасызлык белдерүләр бар илне биләп алды һәм шәхсән премьер-министр Рәҗәп Таййип Эрдоганга, аның исламчы тамырлары булган Гаделлек һәм тәрәккыять фиркасенә каршы юнәлде.
