Универсиада көндәлеге

Социаль челтәрләрдә волонтерларның киеме сатыла дигән игъланнар пәйдә булды. Универсиаданы оештыручылардан бушка алган кием өчен кайберәүләр 15 мең сумга кадәр сорый. Волонтерларның җитәкчеләре бу эшне бик яратмый, ләкин тыя да алмый. "Уеннарның бер өлеше тәмам, волонтерлар бушады, кием аларныкы - теләгәннәрен эшлиләр".

Дүшәмбедә "Әкият" курчак театры Универсиада кунаклары өчен татарча яңа тамаша - Тукайның "Кәҗә белән сарык" әсәрен куйды #Kazan2013

— guilfanr (@guilfanr) July 15, 2013

Универсиада ябылышына Русия хөкүмәте башлыгы Дмитрий Медведев килергә тиеш. Аның Казанда кайларда булачагы хәбәр ителми. Шулай да Медведевны Универсиада авылындагы мәгълүмат үзәгендә көтәләр дигән хәбәрләр бар. Медведев Казан метросын да карарга тиеш икән. – социаль челтәрләрдән

Казан Универсиадасы табибларга мөрәҗәгать итүдә рекорд куйды. Сәламәтлек саклау министры Айрат Фәррахов сүзләренчә, 29 июньнән 15 июльгә кадәр 7847 кеше мөрәҗәгать иткән, шуларның 80 проценты Универсиаданың спорт корылмаларыннан килгән. 135 кешене хастаханәгә салганнар.

"Универсиада шәп, Греция хәленә генә калмыйк. 2004 елда Олимпиада узганнан соң бу илдә икътисади торгынлык башланды, Татарстанда да ул хәл була күрмәсен иде", ди элекке спорт журналисты, нәфис сүз остасы Фәнил Вакказов.

Метро вагонына этенеп-төртепнеп бер өер спортчылар керде. Кычкырып сөйләшәләр, кычкырып көләләр, ду киләләр. Бу әдәпсезлеккә бер бала аптырап карап тора. Түзмәдем, үрелеп майка артларындагы язуны укыйм. "Монголия" дип язылган. Алар белән без берничек тә бер кан була алмыйбыз. Башта Вьетнамнар микән әллә дип уйлаган идем. Вьетнамнар монголия майкаларын киеп, Казанда Монголиягә карата провокация оештырып йөрмәс, шәт. --Римма Бикмөхәммәтова

Универсиада илчесе, Бөтенрусия "Голос" бәйгесе финалисты Эльмира Кәлимуллина Азатлыкка биргән әңгәмәсендә Казанда узучы Универсиада белән горурлануын, ярышларның күбесенә барырга теләвен әйтә. Уеннарга әзерлек барышында Казан бик матурланды ди ул.

Универсиада барган Казан үзәгендә төзекләндерү эшләре ярым-йорты башкарылгач Киров, Авиатөзелеш районнарында, Соцгородта, Жилкада хәлләр ничек икән? – Ирек Мортазин