18 февраль Уфада җырчы Бану Вәлиеваның 100 еллыгына арналган хәтер кичәсе үтте. Башкорт сандугачының бер гасырлык юбилеен республиканың театр эшмәкәрләре берлеге оештырды. Анда әлегә бер кайда да күрсәтелмәгән үзенчәлекле видеоархивны карау мөмкинлеге бар иде. Бану Вәлиева – халык артисткасы. 1938-66 елларда Башкорт дәүләт опера һәм балет театрында эшләгән. Опера спектакльләрендә төп партияларны башкарган. Геннадий Родионов, Тәнзилә Үзәнбаева, Вадим Тирон, Олег Килмөхәмәтов, Сәлих Сөләймәнов, Флорида Исмәгыйлева кебек билгеле җырчылар Бану Вәлиева шәкертләре.