Халыкта мунчага карата аерым мәхәббәт яши
Мунча ул - чистарыну да, тәнне савыктыру да. Мунчадан соң, кем әйтмешли «яшиселәр килә башлый». Бигърәк тә җәй көне, мунчасы булганнар көн дә диярлек ягарга, мунчаның тәмен белеп калырга тырышалар.
Рамазанда ураза тотканда да, шөкер, мунча керергә тыелмаган. Әлсерәгән вакытта, чайканып чыгып, тәнгә көч өстисеңме, яки парланып, тән күзәнәкләреңне яшәртәсеңме: рәхим ит! Душта коену, бассейнда йөзү, авызны чайкату - болар барысы да рөхсәт ителә. Иң мөһиме авызга эләккән суны йотмау!
Эльза Нәбиуллина
укытучы, Казан
Бакуда Рамазан
Нон-стоп ифтар
Ураза тотучылар өчен икенче мөһим вакыт ул - сәхәр! Пәйгамбәребез хәдисләрендә дә сәхәрне ашарга киңәш ителә, "сәхәр ашы ураза тотучыга җиңеллек тудыра", диелә. Ләкин кайбер кешеләр: "Сәхәргә торырга авыр. Торган очракта, йокы качмасын дип, су гына эчеп ятабыз", диләр. Кичә дусларыбызда ифтар кунагы булып кайттык. Сүз белән мавыгып вакыт узганы сизелми дә калды. Хуҗалар безне сәхәргә кадәр калырга үгетләделәр. Һәм безнең ифтарыбыз "нон-стоп режимында" сәхәргә барып тоташты. Әлбәттә, вакытны ашап кына уздырмыйсың, бу мөмкин эш түгел. Аралашып, намазларны укып, чәй эчеп үтә вакыт. Иртән эшкә барасы булмаса, болай итү бик уңайлы!
Эльза Нәбиуллина
укытучы, Казан
Татарстан Ураза бәйрәмендә өч көн ял итәчәк
Ураза гаете быел 17 июль бәйрәм ителә. Җомга ял көне дип игълан ителгән. Уразаның соңгы 10 көне башланды.
Истанбулда заманча дини архитектура
Кемгә изгелек - кемгә табыш. Рекламада Рамазан
