Татарча сөйләшүчеләрне, татар мәдәнияте һәм тарихына караган символик әйберләрне ачыклау һәм өйрәнүгә корылган "Татардозор" уенында 300 кеше, 31 команда катнашты, дип хәбәр итә оештыручылар.
15 апрель Казанның Мәрҗани мәчетендә Габдулла Тукайны искә алу кичәсе үтте
Бөек шагыйрь вафаты көнендә аның рухына дога кылырга татарлар белән бергә дистәләгән руслар, гади халык, бай-түрәләр, депутатлар, сәнгать әһелләре җыелды.
Торонто һәм Флорида татарлары Габдулла Тукайга багышланган чарага 24 апрель җыела
Канаданың Торонто татарларының "Берлек" оешмасы Тукай тууына 130 ел тулуга багышланган мәҗлескә 24 апрель җыела. Һәркем яраткан шигырьләрен, хикаяләрен укый алачак. Китап күргәзмәсе булачак, дип язылган оешманың Фейсбук сәхифәсендә.
АКШның Флорида татарлары Тукай бәйрәменә 24 апрель җыела
"Барыбыз да күмәк катнашып, теләгәннәр бөек Тукаебызның шигырьләрен укып, иҗатын һәм тормышын чагылдырган мәгълүмәтләр белән чыгыш ясасак, бу очрашуыбыз бәйрәм төсен алыр", диелгән бәйрәмгә чакыруда.
1 майда Лос Анджелеста Габдулла Тукайның тууына 130 ел тулуга багышланган кичәдә шагыйрьгә багышлап төшереләчәк фильм турында фикер алышу булачак. Тукай әсәрләре нигезендә фильмны Уфада төшерергә әзерләнәләр.