Татарлар гаеткә таба исен чыгара
Финляндия татарлары да гает намазына җыелды
Чуашстанның Шыгырдан авылының "Өч сәхәбә" мәчетендә гает намазы
Казанның Азино бистәсендәге "Гаилә" мәчете
Түбән Камадагы мәчетләр дә барлык мөселманнарны сыйдыра алмады
Халык гыйбадәтләрен урамда кылды
Киев мәчетендә мөселманнар бер-берсен котлый
Бәйрәм бүген!
Балачакта да Ураза гаете җәйге көннәргә туры килә иде. Бик якты, күзәнәкләргә кадәр үтеп керә торган нурлы бәйрәм, беркем дә өстән такмаган. Кеше үзе теләп эшли барысын да. Авыл, җәйге табигать, Гает вакытында иртәнге сафлык, яшеллек, тынычлык. Гает вакытында йокларга ярамый. Без киреләнмибез, сикереп торабыз. Алдагы көнне бөтен җир ялтыратып юылган, җыелган, бөтен кеше мунча кергән. Үзеңнеке булмаса Гает мунчасына күршеләр, туганнар дәшә иде. Бәйрәмгә нинди булса да яңа кием, күлмәкме ул, носкимы, чәчкә тасмамы – хет нәрсә. Балалар урамда, хатыннар ирләре Гает намазы укып кайтышка коймакларын пешереп, чәйләр әзерләп куя.
Әти-әниләр эшкә китә, әби-бабайлар бер-берсенең хәнен белеп өйдән өйгә чәй эчеп йөри. Күчтәнәч, сәдака тараталар. Ул вакытта әбиләр уразаны яшереп тоталар иде.
Бу бәйрәмнең Октябрь, Май бәйрәмнәреннән нык аерылганын балачакта ук сизә идек. Бидонлап ачыган бал, өй саен айнымаган, аунап яткан исерекләр юк иде бу бәйрәмдә. Тегеләрендә йортларда тынычлык бетә иде, бәйрәмнәр авылда берәрсенең соңгы кружка балы беткәч кенә тәмамлана иде.
Тукай язганча, “Бар күңеллелек бөтен дөньяда, бар бер ямь бүген”, дип бары тик Ураза гаете турында әйтеп була. Минем ул вакыттагы хәләтемә тулысынча туры килгән шигырь бу.
Әнисә Габдрахманова, Казан
