Кайдадыр халыкны сайлауга китерер өчен "Нәүрүз" бәйрәмен дә кулланалар:
БАШКОРТСТАНДА сайлау хокукына ия 3 миллион 31 мең 99 кеше бар. Республикада 3 398 сайлау урыны һәм 38 җирдә вакытлыча тавыш бирү оештырылган. Көндезге өчкә сайлау бирү хокукына ия кешеләрнең яртысы тавыш биргән. Иң күп тавыш бирүчеләр Балтач, Тәтешле һәм Федоровка районнарында.
Канун бозу турында мәгълүматлар да җитәрлек. Алексей Навальныйның Уфадагы штабы башы Лилия Чанышева сүзләренчә, өч йөздән артык канун бозу очрагы теркәлгән. Аларның күпчелеге күпләп бюллетень ташлау һәм намзәтләрнең күзәтүчеләрен сайлау урыннарына кертмәү очраклары.
Президентлыкка намзәт Ксения Собчак һәм Павел Грудининның штаблары да күзәтүчеләрне кертмәү очраклары турында хәбәр итә.
Тавыш бирү урынында бер кеше үлгән. Уфаның “Инорс” бистәсендәге 32 санлы тавыш бирү урынында 68 яшьлек ир идәнгә егылган. Ашыгыч ярдәм машинасы алты минут эчендә килеп җитсә дә коткара алмаган.
Татарстан шагыйрәсе Лилия Газизова үзенең Facebook-тагы сәхифәсендә яза:
Моңарчы шагыйрә татар телен яклап язылган шигырен дә чыгарган.
Бүген сайлау урыннары ярминкәгә әйләнде, күп урында очсыз бәягә тауар саталар. Азатлык сайлау урынында һәм очсыз саналган "Магнит" кибете бәяләрен чагыштырды.
Сайлау көнендә #халык_иҗаты бәйгесенә #Азатлык_укучысыннан:
Рәсәйдә күп кәмит-могҗизалар,
ил — аларны иҗат итүче:
сарыклар бит монда сайлап ала
бүреләрдән үзенә көтүче.
Айсылу Лерон: "Миннән калмасын дидем. Бардым. Тамгасын куйдым. Хәзер барысы да (шул исәптән безнең киләчәк тә) - тавыш санаучылар, нәтиҗәләрне игълан итүчеләр намусында! Нинди процентлар белән "куандырырлар" икән безне, ничек уйлыйсыз?"
Үзәк сайлау комиссиясе көндезге 2гә Русия буйлап сайлаучыларның 34,72% тавыш биргәнен белдерде. Бераздан комиссия хата киткәнен әйтеп бу нәтиҗә (34,72%) көндезге 12гә үк ирешелде дип төзәтте.
Алексей Навальный штабы хәбәр итүенчә, әлегә иң күп хәрәмләшүләр Башкортстанда теркәлгән. Штаб анда 302 канун бозу һәм хәрәмләшү очрагына тап булган. Икенче урында – Мәскәү өлкәсе (272), өчен урында – Мәскәү (213). Беренче бишлеккә шулай ук Красноярски крае (159) һәм Петербур (151) керә.
Ул арада Павел Грудининның Татарстандагы штабы Татарстан Үзәк сайлау комиссиясенә шикаять җибәргән. Штаб күпсанлы хәрәмләшүләр сәбәпле, комиссиянең чираттан тыш җыелышын үткәрергә таләп итә.