Форумның беренче көне мизгелләре Азатлык фотогалереясендә
Татар яшьләре форумының беренче көне
Форумга җыелган егет-кызлардан бу чарага нинди максат һәм теләкләр белән килүләре, ни көтүләре турында сораштык.
Делегатларның танышу чарасы:
Татар яшьләре форум чараларын Казан һәм аның тарихы белән танышудан башлады. Бөтендөнья татар яшьләре форумы рәисе урынбасары Айрат Фәйзрахманов Азатлыкка сөйләгәнчә, бу Казанда иң күпсанлы экскурсияләрнең берсе булды.
"Чара үзенчәлекле булды. Күбрәк тарих турында түгел, бүгенге тормыш турында сөйләдек. Мәчетләр торгызылды, мөселман кибетләре бар, татар рухы сизелә - Татар бистәсенең нәкъ бүгенге тормышын күрсәтергә теләдек", дип сөйләде Фәйзрахманов.
Аның сүзләренчә, делегатлар 2 сәгатьләр йөрде, Казанның тарихы һәм бүгенгесе белән кызыксынды. Аерым алганда, яшьләр Каюм Насыйри урамы, Мәрҗани һәм Апанай мәчетләре, Татар бистәсе музее, Тукай музее, Зәңгәр мәчет, Каюм Насыйри музее, Галиев мәчете, Печән базары, Нурулла мәчете, чәкчәк музее, Камал театры һ.б. тарихи урыннар белән танышты.
Форумга Украинадан ике вәкил килде
Киевтан килгән Илдар Кантеер белән Ринат Хөснетдинов Азатлыкка Украина башкаласында татар тормышының бик җанлы булуы, әдәби, мәдәни чаралар уздырылуы турында сөйләде.
Казанга килгән кунак яшьләр урнаштылар, төшке аш ашадылар. Хәзер исә алар Казанның тарихы белән танышу өчен экскурсияләрдә йөри.
Бер төркем делегатларга экскурсияне Камал театрының танылган артисты Фәнис Жиһанша алып бара.
Үзбәкстаннан килгән татар яшьләре делегациясе үз эшчәнлеген тәкъдим итә: