27 март - Халыкара театр көне уңаеннан "Татарча подкастта" Татарстанның кече шәһәрләрендә татар дәүләт театрлары турында сөйләштек. Аларның хәле ничек, "Бердәм Русия" фиркасе аларга акча бирә, ә эчтәлегенә тыкшынмыймы? Элек театр училищелары студентларын "начар укысаң, Минзәләгә эләгәсең" дип әйтә торган булганнар, хәзер артистлар ни өчен кече театрлардан курыкмый? Бу сорауларга җавапларны театр тәнкыйтьчесе Нияз Игламов һәм Әлмәт татар дәүләт драма театры мөдире Фәридә Исмәгыйлова белән эзләдек.