Татарстан Дәүләт шурасы президент атамасын юкка чыгаручы һәм республика вәкаләтләрен тартып алучы федераль канун өлгесенә каршы чыкты. 25 октябрь Татарстан Дәүләт шурасы "Русия субъектларында җәмәгать хакимиятен оештыруның гомуми принциплары турында"дип аталган канун өлгесенә бертавыштан каршы тавыш бирде. Депутатларга бу мәсьәләдә фикер алышудан алдан ук тыелып торырга тәкъдим ителде. Шулай да утырыш ахырында язучы һәм депутат Ркаил Зәйдулла сүз алып, Мәскәү алып барган сәясәтне тәнкыйтьләде. Аның фикерләренә парламент рәисе Фәрит Мөхәммәтшин да кушылды.