2017 елга кадәр татар телен Татарстан мәктәпләрендә һәр укучы укыды. Моннан биш ел элек — 2017 елның 29 ноябрендә — Дәүләт Шурасы депутатлары бу системны юкка чыгарды. Татар теле дәресләре мотлак булудан туктагач, ул телне өйрәнүчеләр саны шактый кимеде. 2021 елда туган тел дәресе итеп татар телен сайлаган укучылар нибары 63% иде. Ә бит калган бөтен фәннәр дә татарча түгел, урысча укытыла. 5 ел элек булган хәлләрне искә төшерик. Татар җәмәгатьчелеге татар телен яклап карады, әмма килеп чыкмады.