"Мин ришвәт алмадым һәм беркемгә дә бирмәдем. 20 ел көчемне район үсешенә багышладым. Үземә бернәрсә дә рәсмиләштермәдем, хосусыйлаштырмадым. Минем туган авылымда бер йортым бар. Шул гына", диде мәхкәмәдә кулга алынган Энгель Фәттахов.

2017 елда, Татарстан мәгариф һәм фән министры булган чакта, Мәскәү татар теле дәресләрен ихтыярига калдыра башлагач, дәүләт теле булган татар теле өчен нәкъ менә Фәттахов көрәшеп карады. Әмма килеп чыкмады.

Ришвәтчелектә гаепләнүче 62 яшьлек түрәгә 12 елга кадәр төрмә яный. Бүген мәкхәмә аны кимендә 21 июльгә кадәр сак астында калдырырга дигән карар чыгарды.