Möselmannar arasında bar dönya buylap Möxämmät sürätläre tiräsendä cäyelgän zur näfrät dulqını haman da kimemi - çärşämbedä Äfğanstannıñ Qalat şähärendä bulğan soñğı çualışlar xätta qan qoyuğa kiterde, andağı iminlek köçläre taşlar atqan yarsulı törkemgä ut açıp dürt keşene üterde, berniçäsen yaraladı. Näq şundıy uq protest çarası äfğan başqalası Qabulda da uzdı:
İslam doşmannarına ülem taläp itkän şuşı cıyında çığış yasawçılarnıñ berse Könbatışta yuğarı bäyälängän süz ireklegen ğomumän şik astına aldı:
"Bu nindi ireklek bulsın di? Könbatışta dinne mäsxäräläw ireklek sanala, ämma dinne, möselman xislären şik astına quyu ul çınbarlıqta ireklek bula almıy", dip belderä Qabul cıyınında çığış yasawçılarnıñ berse.
İndoneziä başqalası Cakartada Daniä ilçelege aldında uzğan cıyında isä şul ildän bar Daniä watandaşların quu taläbe yañğıradı:
"Ägär dä kem dä bulsa bezneñ dinebezne mäsxäräli ikän, ul ilneñ keşeläre ildän kitärgä, alarnıñ biredäge ilçelege yabılırğa tieş", dip isäpli qayberäwlär İndoneziädä.
İrandağı "Xämşähri" basması isä Könbatışta Möxämmät karikaturaların çığaruğa üzençä cawap birergä buldı - Tährannıñ şähär idaräse tarafınnan çığarılğan şuşı basma sişämbe könne yähüd hälakäten sürätlägän karikaturalar bäygesen iğlan itte. Mäğlüm ki, İkençe dönya suğışı Hälakätendä 6 million yähüd yuq itelgän ide. "Xämşähri" Könbatıştağı ireklek bu temağa da cäyeläme ikän, şunı tikşerep qararğa teli häm bäygedä qatnaşuğa çit il keşelären dä çaqıra.
Räsmi säfär belän Madridqa kiler aldınnan ispan televideniäsenä birgän äñgämäsendä Möxämmät sürätläre tiräsendäge xälgä Rusiä prezidentı Vladimir Putin dä qağıldı:
"Bu ölkädä nindi dä bulsa provokatsiä hiç bula almıy. Berär närsä bastıru, sürätläw aldınnan härkem 100 märtäbä uylarğa tieş", dip belderä Vladimir Putin.
Yewropa basmalarında çärşämbe könne dönya kürgän yazmalarda karikaturalar tiräsendäge wäzğiatneñ inde quldan ıçqına baruına, qarşılıqlardan berençe çiratta dini radikallar faydalanuına, alarnıñ bar möselman dönyasında Könbatışqa qarşı xislärne arttırırğa tırışuına basım yasala.
Kärim Kamal
İslam doşmannarına ülem taläp itkän şuşı cıyında çığış yasawçılarnıñ berse Könbatışta yuğarı bäyälängän süz ireklegen ğomumän şik astına aldı:
"Bu nindi ireklek bulsın di? Könbatışta dinne mäsxäräläw ireklek sanala, ämma dinne, möselman xislären şik astına quyu ul çınbarlıqta ireklek bula almıy", dip belderä Qabul cıyınında çığış yasawçılarnıñ berse.
İndoneziä başqalası Cakartada Daniä ilçelege aldında uzğan cıyında isä şul ildän bar Daniä watandaşların quu taläbe yañğıradı:
"Ägär dä kem dä bulsa bezneñ dinebezne mäsxäräli ikän, ul ilneñ keşeläre ildän kitärgä, alarnıñ biredäge ilçelege yabılırğa tieş", dip isäpli qayberäwlär İndoneziädä.
İrandağı "Xämşähri" basması isä Könbatışta Möxämmät karikaturaların çığaruğa üzençä cawap birergä buldı - Tährannıñ şähär idaräse tarafınnan çığarılğan şuşı basma sişämbe könne yähüd hälakäten sürätlägän karikaturalar bäygesen iğlan itte. Mäğlüm ki, İkençe dönya suğışı Hälakätendä 6 million yähüd yuq itelgän ide. "Xämşähri" Könbatıştağı ireklek bu temağa da cäyeläme ikän, şunı tikşerep qararğa teli häm bäygedä qatnaşuğa çit il keşelären dä çaqıra.
Räsmi säfär belän Madridqa kiler aldınnan ispan televideniäsenä birgän äñgämäsendä Möxämmät sürätläre tiräsendäge xälgä Rusiä prezidentı Vladimir Putin dä qağıldı:
"Bu ölkädä nindi dä bulsa provokatsiä hiç bula almıy. Berär närsä bastıru, sürätläw aldınnan härkem 100 märtäbä uylarğa tieş", dip belderä Vladimir Putin.
Yewropa basmalarında çärşämbe könne dönya kürgän yazmalarda karikaturalar tiräsendäge wäzğiatneñ inde quldan ıçqına baruına, qarşılıqlardan berençe çiratta dini radikallar faydalanuına, alarnıñ bar möselman dönyasında Könbatışqa qarşı xislärne arttırırğa tırışuına basım yasala.
Kärim Kamal