Elekke Diñgez Köçläre Komandirı pensiädäge Admiral İlhami Erdil östennän xökem protsessı inde ber yıl çaması däwam itä ide. Bu atnada näticälände häm pensiädäge admiral xaqsız yullar belän baylıq qazanuda ğäyeple tabılıp 2,5 yıl törmä cazasına xökem itelde. İstanbulda qupşı Etiler rayonındağı ike torağın konfiskatsiälärgä häm Törek Qorallı Köçlärennän (TQK) quırğa digän östämä qararlar da çığarıldı.
Admiral İlhami Erdil 1999-2001 yıllarda Diñgez Köçläre Komandirı bulıp xezmät itkän. Şul waqıtta xärbi verf öçen buyaw alu buyınça ütkärelgän konkurs waqtında verf komandirı general-mayor Metin Poyrazlarğa şıltıratıp “qızımnıñ urtağı häm buyaw şirkäte Henkelneñ xucası Hekim Özdenne siña cibäräm, anıñ täqdim itäçäge bäyäne küz aldında totığız” dip äytkän buluwı şahitlar belän faş itelde. Mäxkämä ayruça bu konkurstta Henkel şirkäteneñ otqan buluwın da iskä töşerde. Yäğni bu konkursta qoda-qodağıylıq rol uynağan. Mäxkämä ayruca admiralnıñ Etilerde bik bay Alkent Sitesendä bere qızı bere dä xatını östenä yazılğan ike torağın menä şundıy xaqsız yullar belän finansiälägän buluwı näticäsenä kilde. Mäxkämädä admiralnıñ baylığındağı ifrat däräcädä artışnı mäğaş yaki başqa kilerläre belän tämin itkän dip añlatunıñ mömkin bulmawı äytelde. Admiralnıñ “bu toraqlarnı satıp alu öçen miña ätineñ ir tuğanı bulıştı” digän argument isä qabul itelmäde. Şuşı protsesta qızı Deniz Erbil dä 6 ay törmä cazasına xökem itelde. İnde xökümgä tartılğannar yuğarı xärbi mäxkämägä möräcäğät itä alaçaqlar. Yuğarı xärbi mäxkämä xökem protsesın bozmasa pensiedäge Admiral Erdil iñ kimendä 12,5 ay törmädä yataçaq. Qarar bozılsa protses qabat Generalştab xärbi mäxkämäsendä qaralaçaq.
İnde korruptsiä tik qayber hönär iälärenä xas ber ostalıq dip uylanılğan şartlarda Törek xalğı tarafınnan bik ışanılğan tözeleş dip qabul itelgän izge TQK-neñ iñ yuğarı däräcälä ofitserları arasınnan da şundıy şikle şäxeslärneñ çığuwına armiä saflarına töşkän tap dip bäyä birergä mömkin. Ämma adäm balası bit nindi genä izge eştä bulmasın baylıqnıñ läzzäten tatırğa teli ikän. Şiksez, bu TQK apparatı eçendäge berdän ber waqiğä tügelder.
Bu xäbärne qayber gazetalar uquçularına belderüdän tartındılar. Bu inde Töreklär şundıy yuğarı bäyä birgän ber tözeleşneñ isemen mondıy ber oyat belän pıçratmıyıq digän uy belän eşlängän buluwı ixtimal. Bu xäbärne birgän gazetalar isä bitarafraq rubrikalar belän çıqtılar. Tik “Akşam” ğına “Menä Admiral Xäzer Çınan da Battı” digän yumoristraq ber rubrika qullandı. Bu xökem qararı ber ük waqıtta, kiräk bulsa bez üzebezneñ iñ yuğarı postağı admiralıbıznı da çazalındırabız digän işärä me, monısın kiläçäktä bäyäli alırbız. Çönki bu äle berençe ürnäk kenä.
Äxtäm İbrahim, İstanbul
Admiral İlhami Erdil 1999-2001 yıllarda Diñgez Köçläre Komandirı bulıp xezmät itkän. Şul waqıtta xärbi verf öçen buyaw alu buyınça ütkärelgän konkurs waqtında verf komandirı general-mayor Metin Poyrazlarğa şıltıratıp “qızımnıñ urtağı häm buyaw şirkäte Henkelneñ xucası Hekim Özdenne siña cibäräm, anıñ täqdim itäçäge bäyäne küz aldında totığız” dip äytkän buluwı şahitlar belän faş itelde. Mäxkämä ayruça bu konkurstta Henkel şirkäteneñ otqan buluwın da iskä töşerde. Yäğni bu konkursta qoda-qodağıylıq rol uynağan. Mäxkämä ayruca admiralnıñ Etilerde bik bay Alkent Sitesendä bere qızı bere dä xatını östenä yazılğan ike torağın menä şundıy xaqsız yullar belän finansiälägän buluwı näticäsenä kilde. Mäxkämädä admiralnıñ baylığındağı ifrat däräcädä artışnı mäğaş yaki başqa kilerläre belän tämin itkän dip añlatunıñ mömkin bulmawı äytelde. Admiralnıñ “bu toraqlarnı satıp alu öçen miña ätineñ ir tuğanı bulıştı” digän argument isä qabul itelmäde. Şuşı protsesta qızı Deniz Erbil dä 6 ay törmä cazasına xökem itelde. İnde xökümgä tartılğannar yuğarı xärbi mäxkämägä möräcäğät itä alaçaqlar. Yuğarı xärbi mäxkämä xökem protsesın bozmasa pensiedäge Admiral Erdil iñ kimendä 12,5 ay törmädä yataçaq. Qarar bozılsa protses qabat Generalştab xärbi mäxkämäsendä qaralaçaq.
İnde korruptsiä tik qayber hönär iälärenä xas ber ostalıq dip uylanılğan şartlarda Törek xalğı tarafınnan bik ışanılğan tözeleş dip qabul itelgän izge TQK-neñ iñ yuğarı däräcälä ofitserları arasınnan da şundıy şikle şäxeslärneñ çığuwına armiä saflarına töşkän tap dip bäyä birergä mömkin. Ämma adäm balası bit nindi genä izge eştä bulmasın baylıqnıñ läzzäten tatırğa teli ikän. Şiksez, bu TQK apparatı eçendäge berdän ber waqiğä tügelder.
Bu xäbärne qayber gazetalar uquçularına belderüdän tartındılar. Bu inde Töreklär şundıy yuğarı bäyä birgän ber tözeleşneñ isemen mondıy ber oyat belän pıçratmıyıq digän uy belän eşlängän buluwı ixtimal. Bu xäbärne birgän gazetalar isä bitarafraq rubrikalar belän çıqtılar. Tik “Akşam” ğına “Menä Admiral Xäzer Çınan da Battı” digän yumoristraq ber rubrika qullandı. Bu xökem qararı ber ük waqıtta, kiräk bulsa bez üzebezneñ iñ yuğarı postağı admiralıbıznı da çazalındırabız digän işärä me, monısın kiläçäktä bäyäli alırbız. Çönki bu äle berençe ürnäk kenä.
Äxtäm İbrahim, İstanbul