1995-neñ yüle, Bosniä könçığışında yatqan Srebrenitsa şähäre. Bosniä serblarınıñ qorallı köçläre äle genä, nigezdä möselmannar yäşägän şuşı şähärne yawlap aldı häm alarnıñ citäkçese, general Radko Mladiç meñlärçä cirle möselmanğa alarnıñ isän-imin bulaçağın wäğdä itä:
"Bernidän dä qurıqmağız. Başta xatınnar wä balalarnıñ kitüenä yul açığız. Biredä 30 autobus bulaçaq häm bez sezne Kladanj-gä ozataçaqbız. Qurıqmağız, sezgä berkem dä, berni dä eşlämäyäçäk", dip tınıçlandıra Srebrenitsa möselmannarın Radko Mladiç.
Ber atna da ütmi, alarnıñ 7 meñnän artığı, qayber xäbärlärdä 8 meñ sanı kiterelä, wäxşilärçä yuq itelä. Elekke Yugoslaviä cirlärendäge suğış wä keşeçelekkä qarşı cinayätlärne tikşergän maxsus xalıqara mäxkämä däğwalarına qarağanda, autobuslar xatın-qızlarnı häm balalarnı alıp kitü belän, möselman irläre häm yegetläre serb köçläre tarafınnan qamap alına, häm soñraq Radko Mladiçneñ turı ämere nigezendä yuq itelä. Bosniä serbları soñraq üzläreneñ şul cinayäten mäyetlärne kümäk qaberlärgä kümep yäşerergä tırıştı. Srebrenitsa wäxşäte Yewropada İkençe dönya suğışınnan soñ bulğan iñ dähşätle cinayät bulıp tora.
General Radko Mladiç ber şunıñ öçen genä ezlänmi. Xalıqara mäxkämä anı äle 1992-nçe yılda Bosniä başqalası Sarayevonı bombağa totuda ğäyepli. General, Bosniä serblarınıñ säyäsi başlığı Radovan Karadjiç belän bergä, Bosniädä milli tazartular ütkärü, cäfalawlar, mäsxäräläw oyıştıru öçen dä cawaplı dip sanala. Näq menä şul säbäple alarnıñ ikesen dä nihayät cawapqa tartu Haagtağı xalıqara mäxkämä öçen töp maqsat bulıp tora.
Bosniä suğışınnan soñ Radko Mladiç Serbiä başqalası Belgradta sıyınu taptı. Ul waqıtta anda prezident bulıp serb millätçese Slobodan Miloşeviç tora ide. Mladiç ara-tirä zatlı restorannarda, futbol uyınnarında kürengäläp tordı. 2001-nçe yılda Miloşeviç Haagqa tapşırılğannan soñ ul yuğaldı, gärçä mäxkämä prokurorı Carla del Ponte anı yäşerep totuda Serbiä xakimiaten ğäyepläp kilde. Del Ponte Mladiçne, Srebrenitsa wäxşäte öçen cawaplı başqa adämnär belän bergä mäxkämä qarşına bu cäydä, yüldä quyarğa teli:
"Şuña kürä dä genotsit qıluda ğäyeplängän ike keşeneñ Serbiädä yäşerenep yatuına inde noqta quyarğa waqıt", dip kisätä räsmi Belgradnı Haagtağı xalıqara mäxkämäneñ prokurorı Carla del Ponte.
Uzğan ayda Serbiägä qarata taläplärne qırıslatuı xaqında Yewropa Komissiäse dä beldergän ide. Berlekneñ kiñäyüe eşen alıp barğan Olli Rehn:
"Ägär dä bez Haagtağı mäxkämä belän tulı xezmättäşlek urnaştıru ölkäsendä citez täräqqiat kürmäsäk, bu Yewropa Berlege belän Serbiä arasında barğan söyläşülärgä hiçşiksez, ifrat ta tiskäre yoğıntı yasayaçaq", dip kisätä räsmi Belgradnı Olli Rehn.
Kärim Kamal
"Bernidän dä qurıqmağız. Başta xatınnar wä balalarnıñ kitüenä yul açığız. Biredä 30 autobus bulaçaq häm bez sezne Kladanj-gä ozataçaqbız. Qurıqmağız, sezgä berkem dä, berni dä eşlämäyäçäk", dip tınıçlandıra Srebrenitsa möselmannarın Radko Mladiç.
Ber atna da ütmi, alarnıñ 7 meñnän artığı, qayber xäbärlärdä 8 meñ sanı kiterelä, wäxşilärçä yuq itelä. Elekke Yugoslaviä cirlärendäge suğış wä keşeçelekkä qarşı cinayätlärne tikşergän maxsus xalıqara mäxkämä däğwalarına qarağanda, autobuslar xatın-qızlarnı häm balalarnı alıp kitü belän, möselman irläre häm yegetläre serb köçläre tarafınnan qamap alına, häm soñraq Radko Mladiçneñ turı ämere nigezendä yuq itelä. Bosniä serbları soñraq üzläreneñ şul cinayäten mäyetlärne kümäk qaberlärgä kümep yäşerergä tırıştı. Srebrenitsa wäxşäte Yewropada İkençe dönya suğışınnan soñ bulğan iñ dähşätle cinayät bulıp tora.
General Radko Mladiç ber şunıñ öçen genä ezlänmi. Xalıqara mäxkämä anı äle 1992-nçe yılda Bosniä başqalası Sarayevonı bombağa totuda ğäyepli. General, Bosniä serblarınıñ säyäsi başlığı Radovan Karadjiç belän bergä, Bosniädä milli tazartular ütkärü, cäfalawlar, mäsxäräläw oyıştıru öçen dä cawaplı dip sanala. Näq menä şul säbäple alarnıñ ikesen dä nihayät cawapqa tartu Haagtağı xalıqara mäxkämä öçen töp maqsat bulıp tora.
Bosniä suğışınnan soñ Radko Mladiç Serbiä başqalası Belgradta sıyınu taptı. Ul waqıtta anda prezident bulıp serb millätçese Slobodan Miloşeviç tora ide. Mladiç ara-tirä zatlı restorannarda, futbol uyınnarında kürengäläp tordı. 2001-nçe yılda Miloşeviç Haagqa tapşırılğannan soñ ul yuğaldı, gärçä mäxkämä prokurorı Carla del Ponte anı yäşerep totuda Serbiä xakimiaten ğäyepläp kilde. Del Ponte Mladiçne, Srebrenitsa wäxşäte öçen cawaplı başqa adämnär belän bergä mäxkämä qarşına bu cäydä, yüldä quyarğa teli:
"Şuña kürä dä genotsit qıluda ğäyeplängän ike keşeneñ Serbiädä yäşerenep yatuına inde noqta quyarğa waqıt", dip kisätä räsmi Belgradnı Haagtağı xalıqara mäxkämäneñ prokurorı Carla del Ponte.
Uzğan ayda Serbiägä qarata taläplärne qırıslatuı xaqında Yewropa Komissiäse dä beldergän ide. Berlekneñ kiñäyüe eşen alıp barğan Olli Rehn:
"Ägär dä bez Haagtağı mäxkämä belän tulı xezmättäşlek urnaştıru ölkäsendä citez täräqqiat kürmäsäk, bu Yewropa Berlege belän Serbiä arasında barğan söyläşülärgä hiçşiksez, ifrat ta tiskäre yoğıntı yasayaçaq", dip kisätä räsmi Belgradnı Olli Rehn.
Kärim Kamal