Quşma Ştatlarnıñ iminlek strategiäse soñğı märtäbä dürt yıl elek, Ğiraq suğışı aldınnan yañartılğan ide. Ul çaqta töp yanaw dip, älbättä, Saddam xakimiate ataldı. Anı soñraq bärep töşerüneñ näq menä şul strategiägä bäyle buluı berkem dä şik uyatmadı diärgä bula - Ğiraq anda töp yanaw bularaq telgä alınğan ide häm Washington ul yanawnı yuqqa çığaru öçen tieşle çaralar kürde.
Atnakiç bäyän itelgän yaña iminlek strategiäsendä Ğiraq inde aktual'' yanawlar rätendä äytelmi, anıñ urının bu yulı İran alğan. Dönya xäwefsezlegen buldıru ölkäsendä kiläçäktä Quşma Ştatlar berdänber zur qurqınıç - İran İslam respublikası aldında qala ala, dielä 49 bittän torğan dokumentta.
Bü könnärdä räsmi säfär belän Australiägä kilgän amerikan däwlät sekretare Condoleezza Rice, İrannıñ şundıy zur yanawğa äylänüe, anıñ üz atom qoralın buldıruğa kiterä alırlıq atom-töş programmasın eşläwe belän añlatıla, dip belderde. Moñardan tış ul Tährandağı xakimiatne "terror bankirı" dip atadı, häm İminlek Şurası İranğa qarata qırıs çaralar kürer digän ömeten belderde:
"İminlek Şurası xäzer İran mäs''äläsen üzenä aldı. Min, xalıqara cämäğätçelekneñ telägen, häm asılda taläplären İranğa citkerü öçen İminlek Şurası tieşle çaralarnı tabar, dip ışanam. İran Paris kileşüenä qarşı kilgän eşçänlegen tuqtatıp söyläşülärgä qaytırğa tieş. İranğa inde xalıqara cämäğätçelek süzenä qolaq salu waqıtı citte", dip kisätä Tährannı Quşma Ştatlarnıñ däwlät sekretare Condoleezza Rice.
Şuşı kisätülärne Quşma Ştatlarnıñ yañartılğan Däwlät iminlege strategiäse dä nığıtıp quya - elekkesendäge kebek ük anda, ilgä yanağan mömkin qurqınıçlarğa qarşı kisätü höcümnäre yasaw qaralğan. "Doşman höcümen qaydan häm qayçan kötü xaqında bilgesezlek bulğan oçraqta da Quşma Ştatlar üzen yaqlaw maqsatında aldan kisätü çaraları küräçäk", dielä prezident Bush imzası belän çıqqan dokumentta. Däwlät iminlege strategiäse asılda prezidentnıñ ikençe mötdäte waqıtında alıp baraçaq iminlek säyäsäten açıp sala. Xäzer dä Aq yort xucası, kisätü çaralarınıñ urını däwlät iminlege strategiäsendä elekkeçä qala", dip belderä.
Berük waqıtta anda räsmi Washingtonnıñ, dönya buylap atom qoralların cäyeldermäw ölkäsendä östenlekne diplomatik tırışlıqlarğa biräçäge dä äytelä.
Quşma Ştatlarnıñ Däwlät iminlege strategiäsendä Rusiä dä telgä alına, anda "Mäskäwneñ demokratik irekleklär wä qorılışlarğa tuğrılığı betä bara, ikeyaqlı xezmättäşlek Rusiäneñ eçke wä tışqı säyäsäten niçek alıp baruına bäyle bulaçaq ", dielä.
Kärim Kamal
Atnakiç bäyän itelgän yaña iminlek strategiäsendä Ğiraq inde aktual'' yanawlar rätendä äytelmi, anıñ urının bu yulı İran alğan. Dönya xäwefsezlegen buldıru ölkäsendä kiläçäktä Quşma Ştatlar berdänber zur qurqınıç - İran İslam respublikası aldında qala ala, dielä 49 bittän torğan dokumentta.
Bü könnärdä räsmi säfär belän Australiägä kilgän amerikan däwlät sekretare Condoleezza Rice, İrannıñ şundıy zur yanawğa äylänüe, anıñ üz atom qoralın buldıruğa kiterä alırlıq atom-töş programmasın eşläwe belän añlatıla, dip belderde. Moñardan tış ul Tährandağı xakimiatne "terror bankirı" dip atadı, häm İminlek Şurası İranğa qarata qırıs çaralar kürer digän ömeten belderde:
"İminlek Şurası xäzer İran mäs''äläsen üzenä aldı. Min, xalıqara cämäğätçelekneñ telägen, häm asılda taläplären İranğa citkerü öçen İminlek Şurası tieşle çaralarnı tabar, dip ışanam. İran Paris kileşüenä qarşı kilgän eşçänlegen tuqtatıp söyläşülärgä qaytırğa tieş. İranğa inde xalıqara cämäğätçelek süzenä qolaq salu waqıtı citte", dip kisätä Tährannı Quşma Ştatlarnıñ däwlät sekretare Condoleezza Rice.
Şuşı kisätülärne Quşma Ştatlarnıñ yañartılğan Däwlät iminlege strategiäse dä nığıtıp quya - elekkesendäge kebek ük anda, ilgä yanağan mömkin qurqınıçlarğa qarşı kisätü höcümnäre yasaw qaralğan. "Doşman höcümen qaydan häm qayçan kötü xaqında bilgesezlek bulğan oçraqta da Quşma Ştatlar üzen yaqlaw maqsatında aldan kisätü çaraları küräçäk", dielä prezident Bush imzası belän çıqqan dokumentta. Däwlät iminlege strategiäse asılda prezidentnıñ ikençe mötdäte waqıtında alıp baraçaq iminlek säyäsäten açıp sala. Xäzer dä Aq yort xucası, kisätü çaralarınıñ urını däwlät iminlege strategiäsendä elekkeçä qala", dip belderä.
Berük waqıtta anda räsmi Washingtonnıñ, dönya buylap atom qoralların cäyeldermäw ölkäsendä östenlekne diplomatik tırışlıqlarğa biräçäge dä äytelä.
Quşma Ştatlarnıñ Däwlät iminlege strategiäsendä Rusiä dä telgä alına, anda "Mäskäwneñ demokratik irekleklär wä qorılışlarğa tuğrılığı betä bara, ikeyaqlı xezmättäşlek Rusiäneñ eçke wä tışqı säyäsäten niçek alıp baruına bäyle bulaçaq ", dielä.
Kärim Kamal