2001-neñ 11-nçe sintäbrendä Musawi inde totqında bulu säbäple höcümnärne ğämälgä quyuda qatnaşmasa da, ul ülem cäzasına layıq - federal'' cüri düşämbedä şundıy qarar çığardı. Höcümnärgä öç atna qalğanda amerikan politsiäse Zäkäriä Musawine immigratsiä qanunnarın bozuda ğäyepläp qulğa ala, ämma ul terrorçılarnıñ New York wä Washingtonğa höcüm yasaw plannarın belsä dä, alar xaqında berni dä äytmi. Şul säbäple anı 3 meñgä yaqın keşeneñ ülüe öçen cawaplı dip sanarğa bula, di Musawi eşen tikşerüçe prokurorlar.
Virginia ştatındağı federal'' cüri alar belän kileşä. Musawi üze isä ülem cäzasına yul açqan şul mäxkämäne qähärli. Qararnı ul, "sez berqayçan da minem qannı ala almayaçaqsız" digän süzlär belän qarşı aldı. Elekke utırışlarnıñ bersendä Musawi, ägär dä aldanraq qulğa alınmağan bulsam, höcümnärdä min dä qatnaşır idem", dip beldergän ide. Prokurorlar fikerençä, ul bişençe oçqıçnı qulğa töşerep, anı Aq yortqa yünältergä tieş bulğan.
Mäxkämä utırışı xäzer inde äkrenläp xökem çığaruğa yaqınlaşa. Ul qararnı da şul uq xäyät - 9 ir häm 3 xatınnan torğan cämäğät mäxkämäse çığaraçaq.
Eşne qaraw inde azağına yaqınlaşsa da, Musawineñ anda äytkännärenä ışanu mäs''äläse qala birä. Zäkäriä Musawi üze Osama bin-Laden belän elemtädä toruın tanıy, amerikan Femidası öçen bu bigräk tä möhim şahadät bulıp tora. Ämma aña ni däräcädä ışanıp bula, monısı haman da şikle. Britaniäneñ Cranfield universitetı xezmätkäre Chris Bellamy:
"Musawineñ bu tanuı zur alğakiteş, çönki älegä qädär höcümnärdä bin Ladenneñ urını ikele-mikele ide. Şuña kürä kemneñder mäxkämädä, "äye, min ämerlärne bin Ladennan aldım" dip äytüe ğädäti tügel. Läkin bu çınnan da şulaymı, tügelme, anısın inde min äytä almıym", di terrorizm belgeçe Chris Bellamy.
Monıñ belän ikençe ber kürenekle belgeç, Şvetsiäneñ Däwlät saqlanu kölliäte xezmätkäre Magnus Ranstorp ta kileşä:
"Mondıy şahadätneñ çın qimmäte nindider, anıñ artında ni yatadır - min hiç belmim. Ägär dä inde berär yäşeren kileşü bulmasa. Ülemgä xökem itüne kimetü öçen berär kileşü bula ala. Başqaça mondıy tanunı añlatıp bulmıy", di Magnus Ranstorp.
Şuşı mömkin säbäplärdän tış tağın Zäkäriä Musawineñ ämerlärne Osama bin Ladennan aluın tanuı artında anıñ üzennän şähit yasarğa teläwe yäisä ruxi xasta bula aluı da yatarğa mömkin digän ixtimallar qarala.
Kärim Kamal
Virginia ştatındağı federal'' cüri alar belän kileşä. Musawi üze isä ülem cäzasına yul açqan şul mäxkämäne qähärli. Qararnı ul, "sez berqayçan da minem qannı ala almayaçaqsız" digän süzlär belän qarşı aldı. Elekke utırışlarnıñ bersendä Musawi, ägär dä aldanraq qulğa alınmağan bulsam, höcümnärdä min dä qatnaşır idem", dip beldergän ide. Prokurorlar fikerençä, ul bişençe oçqıçnı qulğa töşerep, anı Aq yortqa yünältergä tieş bulğan.
Mäxkämä utırışı xäzer inde äkrenläp xökem çığaruğa yaqınlaşa. Ul qararnı da şul uq xäyät - 9 ir häm 3 xatınnan torğan cämäğät mäxkämäse çığaraçaq.
Eşne qaraw inde azağına yaqınlaşsa da, Musawineñ anda äytkännärenä ışanu mäs''äläse qala birä. Zäkäriä Musawi üze Osama bin-Laden belän elemtädä toruın tanıy, amerikan Femidası öçen bu bigräk tä möhim şahadät bulıp tora. Ämma aña ni däräcädä ışanıp bula, monısı haman da şikle. Britaniäneñ Cranfield universitetı xezmätkäre Chris Bellamy:
"Musawineñ bu tanuı zur alğakiteş, çönki älegä qädär höcümnärdä bin Ladenneñ urını ikele-mikele ide. Şuña kürä kemneñder mäxkämädä, "äye, min ämerlärne bin Ladennan aldım" dip äytüe ğädäti tügel. Läkin bu çınnan da şulaymı, tügelme, anısın inde min äytä almıym", di terrorizm belgeçe Chris Bellamy.
Monıñ belän ikençe ber kürenekle belgeç, Şvetsiäneñ Däwlät saqlanu kölliäte xezmätkäre Magnus Ranstorp ta kileşä:
"Mondıy şahadätneñ çın qimmäte nindider, anıñ artında ni yatadır - min hiç belmim. Ägär dä inde berär yäşeren kileşü bulmasa. Ülemgä xökem itüne kimetü öçen berär kileşü bula ala. Başqaça mondıy tanunı añlatıp bulmıy", di Magnus Ranstorp.
Şuşı mömkin säbäplärdän tış tağın Zäkäriä Musawineñ ämerlärne Osama bin Ladennan aluın tanuı artında anıñ üzennän şähit yasarğa teläwe yäisä ruxi xasta bula aluı da yatarğa mömkin digän ixtimallar qarala.
Kärim Kamal