Fransuz agentlığı AFPnıñ xäbärçese Jennie Matthew şartlau urnınnan radiobızğa bolarnı äytte.
"Bez anda barıp citkändä qoyaş balqır aldınnan ide häm här cirdä qan ezläre bar ide. Misırlılar uramnı yua ğına başlağannar ide. Auılnıñ töp uramında qanlı ayaq ezlere bar ide. Keşelär tirä yaqta yöregendä, başqalar tazartu eşläre alıp baralar ide."
Nemets tabibı Mixail Hartlix Royter agentlığına bolarnı añlattı.
"Kiçke säğät cidelärdä berberartlı öç şartlau buldı. Min internet kafedä utıra idem . Öç şartlau işetkäç yögerep çıqtım. Här kem qıçqırışa ide."
Şuşı tabip belän jurnalist Matthew dä söyläşkän häm ul anıñ kiçereşlären radiobızğa bolay dip añlattı.
"Tabip şartlaulardan soñğı säxnäne bolay dip añlattı. Ul meditsina cihazların alır öçen bülmäsne yögergän. Törle yaraları häm peşekläre bulğan qorbannar kürgän . Ber bala ayağın yuğaltqan bulğan. Yevropalı 10 yäşlek ber bala anıñ qulında ülgän."
Restoran,Kofe häm kibettä bulğan şartlau öçen älegä ber kem dä cavaplılıqnı üz östenä almadı. Monnan elek 2004-nçe yılnıñ Üktäberendä Dahabnıñ Tönyağındağı Tabada häm 2005-nçe yılnıñ İyülendä Şarm- el Şeyxta moña oxşaş höcümnär bulğan häm 100 tiräsendä keşe hälak bulğan ide. Xakimiätlär monıñ öçen ällä ni mäğlum bulğan Sinaydağı ber törkemne ğäyeplägännär ide. Şuşı törkemne üze Fälästinle bulğan İyad Said Saleh oyıştırğan bulğan. Misır xakimiätläre anıñ çit il oyışmaları, şul sanda Osama bin Ladenneñ Al Qaeda belän bäyläneştä toruı bilgelänmäde dip belderdelär. Misırda tıyılğan, läkin, säyäsätkä qatnaşırğa röxsät itelgän Misır Moselman Tuğannığı Oyışması , bomba şartlatunı xökem itte. Fälästinnärneñ Hamas xökmäte dä şundıy uq reaksiä kürsätte. AQŞ prezidentı Buş ta şundıy uq belderü belän çıqtı.
"Bügen Misırda bombalar şartladı. Min üterülärne qätği xökem itäm. Misırda gönaxsız tınıç xalıqqa qarşı akt qorbannarğa säbäp buldı. AQŞ hälak bulğan şäxeslärneñ ğailäläreneñ qayğısın urtaqlaşa. Yaralılar sälämätlänsen dip doğa qılabız."
Şuşı höcümnän ber kön elegeräk Osama bin Ladenneñ çit il keşeläre höcüm obyektı bula alal dip kisätkän audio taması Al Jazeerede tapşırılğan ide. Läkin, qorbannarnıñ küpçelegen misırlılar täşkil itä. Turizm Misırnıñ töp kerem çığanağı . Turizmnan yılına 7 miliard dolar kilä. Şuşı soñğı höcümneñ häm soñğı 18 aydağı öç höcümneñ turizmğa nindi täsire bulır, ansı bilgesez.
Färit İdelle, Praga.
"Bez anda barıp citkändä qoyaş balqır aldınnan ide häm här cirdä qan ezläre bar ide. Misırlılar uramnı yua ğına başlağannar ide. Auılnıñ töp uramında qanlı ayaq ezlere bar ide. Keşelär tirä yaqta yöregendä, başqalar tazartu eşläre alıp baralar ide."
Nemets tabibı Mixail Hartlix Royter agentlığına bolarnı añlattı.
"Kiçke säğät cidelärdä berberartlı öç şartlau buldı. Min internet kafedä utıra idem . Öç şartlau işetkäç yögerep çıqtım. Här kem qıçqırışa ide."
Şuşı tabip belän jurnalist Matthew dä söyläşkän häm ul anıñ kiçereşlären radiobızğa bolay dip añlattı.
"Tabip şartlaulardan soñğı säxnäne bolay dip añlattı. Ul meditsina cihazların alır öçen bülmäsne yögergän. Törle yaraları häm peşekläre bulğan qorbannar kürgän . Ber bala ayağın yuğaltqan bulğan. Yevropalı 10 yäşlek ber bala anıñ qulında ülgän."
Restoran,Kofe häm kibettä bulğan şartlau öçen älegä ber kem dä cavaplılıqnı üz östenä almadı. Monnan elek 2004-nçe yılnıñ Üktäberendä Dahabnıñ Tönyağındağı Tabada häm 2005-nçe yılnıñ İyülendä Şarm- el Şeyxta moña oxşaş höcümnär bulğan häm 100 tiräsendä keşe hälak bulğan ide. Xakimiätlär monıñ öçen ällä ni mäğlum bulğan Sinaydağı ber törkemne ğäyeplägännär ide. Şuşı törkemne üze Fälästinle bulğan İyad Said Saleh oyıştırğan bulğan. Misır xakimiätläre anıñ çit il oyışmaları, şul sanda Osama bin Ladenneñ Al Qaeda belän bäyläneştä toruı bilgelänmäde dip belderdelär. Misırda tıyılğan, läkin, säyäsätkä qatnaşırğa röxsät itelgän Misır Moselman Tuğannığı Oyışması , bomba şartlatunı xökem itte. Fälästinnärneñ Hamas xökmäte dä şundıy uq reaksiä kürsätte. AQŞ prezidentı Buş ta şundıy uq belderü belän çıqtı.
"Bügen Misırda bombalar şartladı. Min üterülärne qätği xökem itäm. Misırda gönaxsız tınıç xalıqqa qarşı akt qorbannarğa säbäp buldı. AQŞ hälak bulğan şäxeslärneñ ğailäläreneñ qayğısın urtaqlaşa. Yaralılar sälämätlänsen dip doğa qılabız."
Şuşı höcümnän ber kön elegeräk Osama bin Ladenneñ çit il keşeläre höcüm obyektı bula alal dip kisätkän audio taması Al Jazeerede tapşırılğan ide. Läkin, qorbannarnıñ küpçelegen misırlılar täşkil itä. Turizm Misırnıñ töp kerem çığanağı . Turizmnan yılına 7 miliard dolar kilä. Şuşı soñğı höcümneñ häm soñğı 18 aydağı öç höcümneñ turizmğa nindi täsire bulır, ansı bilgesez.
Färit İdelle, Praga.