Ukraina Çernobıl'' hälakäteneñ 20 yıllığın matäm köne, bar il buylap ütkärelgän iskä alu çaraları, ğibadätlär belän bilgeli. Çernobıl'' stansiäse üze xäzer inde yabılğan xäldä, anıñ eşçeläre yaqındağı Slavutiç şähärendä yäşi. Ämma iskä alu cıyını bügen stansiädän 18 çaqrım yıraqlıqtağı Çernobıl'' şähärçegeneñ üzendä dä ütkärelde, aña yözlägän keşe kilgän ide.
Matäm çarasında Ukraina prezidentı Viktor Yuçenko da qatnaştı, aña qädär ul Kievtä oyıştırılğan cıyında da bulğan ide. Anda Çernobıl'' qorbannarı häykälenä çäçäk bäylämnäre salğannan soñ ul, hälakät bulğan häm şunnan bar dönya tarafınnan onıtılıp yäşägän şähärneñ yänä tormışqa qaytuı öçen waqıt çitte, dip belderde:
"Çernobıl'' yänä Ukraina qoçağına qaytırğa tieş. Saqlap yatu öçen tügel, ä täräqqi itterü öçen qaytırğa tieş. Berläşkän Millätlär oyışması, Yewropa Berlege, başqa xalıqara partnerlar belän bergä bez Ukraina cirendä qara taplar yäisä buşlıqlar bulmawın isbatlayaçaqbız", di Ukraina prezidentı Viktor Yuçenko.
Ämma Çernobıl'' şähären torğızu ber närsä. Xakimiat aldında tağın da qatlawlıraq burıç - hälakät qorbannarı xälen qayğırtu, alarnıñ tormışın caylaw tora. "Bez alarğa kiläçäk öçen ömet birergä tieşbez", di Yuçenko:
"Bez Çernobıl'' qorbannarınıñ sotsial xälen yaxşırtuğa törle yaqtan kilergä tieş. Alarnıñ härberse üzen qızğanunı ğına sizep qalmasqa tieş, alarğa eşläw mömkinlekläre, ışanıç, bügen häm irtägä öçen ömet tudıru kiräk. Çernobıl'' sotsial tä''minatnıñ yaña ber konsepsiäsen taläp itä", di Viktor Yuçenko.
Çernobıl'' faciğäseneñ 20 yıllığı uñayınnan ütkärelgän maxsus utırışta Ukraina parlamentı deputatları Çernobıl'' qorbannarına östämä yardäm taläp itep, qazanıñ çın küläme turında da xaq mäğlümat iğlan itelergä tieş, dip belderde. Parlament räise Volodomir Litvin:
"Yıllar buyı Çernobıl'' tiräsendä törle bürokratik uyınnar bardı, şunıñ arqasında qaza näticälären beterügä yünälderelgän aqça zur külämdä yuğaldı", dip zarlana Ukrainanıñ Yuğarı Radası citäkçese Litvin.
Tönge ikençe 23 minutta, yäğni 20 yıl elek Çernobıl'' atom stansiäsendä şartlaw yañğırağan waqıtta bar Ukraina buylap ber minutlıq tınlıq iğlan itelde.
Kärim Kamal
Matäm çarasında Ukraina prezidentı Viktor Yuçenko da qatnaştı, aña qädär ul Kievtä oyıştırılğan cıyında da bulğan ide. Anda Çernobıl'' qorbannarı häykälenä çäçäk bäylämnäre salğannan soñ ul, hälakät bulğan häm şunnan bar dönya tarafınnan onıtılıp yäşägän şähärneñ yänä tormışqa qaytuı öçen waqıt çitte, dip belderde:
"Çernobıl'' yänä Ukraina qoçağına qaytırğa tieş. Saqlap yatu öçen tügel, ä täräqqi itterü öçen qaytırğa tieş. Berläşkän Millätlär oyışması, Yewropa Berlege, başqa xalıqara partnerlar belän bergä bez Ukraina cirendä qara taplar yäisä buşlıqlar bulmawın isbatlayaçaqbız", di Ukraina prezidentı Viktor Yuçenko.
Ämma Çernobıl'' şähären torğızu ber närsä. Xakimiat aldında tağın da qatlawlıraq burıç - hälakät qorbannarı xälen qayğırtu, alarnıñ tormışın caylaw tora. "Bez alarğa kiläçäk öçen ömet birergä tieşbez", di Yuçenko:
"Bez Çernobıl'' qorbannarınıñ sotsial xälen yaxşırtuğa törle yaqtan kilergä tieş. Alarnıñ härberse üzen qızğanunı ğına sizep qalmasqa tieş, alarğa eşläw mömkinlekläre, ışanıç, bügen häm irtägä öçen ömet tudıru kiräk. Çernobıl'' sotsial tä''minatnıñ yaña ber konsepsiäsen taläp itä", di Viktor Yuçenko.
Çernobıl'' faciğäseneñ 20 yıllığı uñayınnan ütkärelgän maxsus utırışta Ukraina parlamentı deputatları Çernobıl'' qorbannarına östämä yardäm taläp itep, qazanıñ çın küläme turında da xaq mäğlümat iğlan itelergä tieş, dip belderde. Parlament räise Volodomir Litvin:
"Yıllar buyı Çernobıl'' tiräsendä törle bürokratik uyınnar bardı, şunıñ arqasında qaza näticälären beterügä yünälderelgän aqça zur külämdä yuğaldı", dip zarlana Ukrainanıñ Yuğarı Radası citäkçese Litvin.
Tönge ikençe 23 minutta, yäğni 20 yıl elek Çernobıl'' atom stansiäsendä şartlaw yañğırağan waqıtta bar Ukraina buylap ber minutlıq tınlıq iğlan itelde.
Kärim Kamal