Federatsiä Sovetındağı tauış birü näticälären anıñ räise Sergey Mironov bolay dip bäyan itte.
"140 tauış yaqlap , nul tauış qarşı birelde. ike deputat tauış birüdä qatnaşmadı. Qarar qabul itelde. Vladimer Vasilyeviç Ustinov Rusiä Federatsiäseneñ general prokurorı postınnan azat itelde."
Mironovnıñ bu belderüe belän Ustinovnıñ baş prokuror bularaq vazıyfası tögällände. Şulay itep Putinne tänqitlägän häm üz vaqıtında Rusiäneñ iñ bay keşese dip xisaplanğan Xodorkovskiy häm Yukosqa qarşı mäxkämä eşen quzğatqan şäxes tä vazıyfasınnan kitte. Ustinovnıñ çigenü säbäbe açıq bilgele tügel. Bu xaqta Mäskävdä ğaybät inde küptännän yöri. Läkin, Mironov yäşeren säbäp yuq dip belderde.
"Prezident kiçä mine yanına çaqırtıp Vladimer Ustinovnı vazıyfasınnan buşatırğa digän yazma birde. Şuşı ängämädän bu texnik qarar ğına digän näticägä kildem. Monda politika yuq."
Şulay da moña ışanmauçılar da bar. Politologlar häm Kreml belgeçläre Ustinovnıñ çigenüen Putinneñ uzğan ayda ilneñ vazğiäte turındağı çığışı belän bäylilär. Ul bu çığışında räsmi organnarnıñ korrupsiäne beterä almauların tänqitlägän ide. Panorama oyışması direktorı Vladimer Pribılovskiynıñ fikerençä dä,
"Baş prokuror cavaplı bulğan qanunsaqlau organnarı belän cinayätçelekne küzätü mäsäläsendä eşlär şäptän tügel. Ustinov citäkçelegendä bu mäsälädä yaxşığa taba üzgäreşlär bulmadı"
Pribılovskiynıñ fikerençä, Ustonovnıñ çigenüendä cinayätçelekkä häm korrupsiägä qarşı köräştäge uñışsızlıq faktor bula alsa da, töp säbäp Kremldä täsir öçen köräşneñ baruında.
"Putin tiräsendäge koalitsion törkemnör arasındağı xakimiät balansı üzgärgän bulırğa tieş. Närsäder bu balansnı bozdı häm prezident Ustinovqa kit dip äytergä qarar qıldı. Bu urınnı alırğa telävçelär küp."
Ustinovnıñ vazıyfaların vaqıtlıça anıñ urınbasarı Yuriy Birükov ütiäçäk, läkin, urın öçen köräş başlandı inde. Rusiädäge iñ möhim postlarnıñ bersenä namzätlär bulıp prezidentnıñ Könyaq Federal Okrugındağı mäxsus väkile Dmitri Kozak häm İdelbuyı regionındağı väkile Aleksander Konovalov toralar .
Färit İdelle, Praga.
"140 tauış yaqlap , nul tauış qarşı birelde. ike deputat tauış birüdä qatnaşmadı. Qarar qabul itelde. Vladimer Vasilyeviç Ustinov Rusiä Federatsiäseneñ general prokurorı postınnan azat itelde."
Mironovnıñ bu belderüe belän Ustinovnıñ baş prokuror bularaq vazıyfası tögällände. Şulay itep Putinne tänqitlägän häm üz vaqıtında Rusiäneñ iñ bay keşese dip xisaplanğan Xodorkovskiy häm Yukosqa qarşı mäxkämä eşen quzğatqan şäxes tä vazıyfasınnan kitte. Ustinovnıñ çigenü säbäbe açıq bilgele tügel. Bu xaqta Mäskävdä ğaybät inde küptännän yöri. Läkin, Mironov yäşeren säbäp yuq dip belderde.
"Prezident kiçä mine yanına çaqırtıp Vladimer Ustinovnı vazıyfasınnan buşatırğa digän yazma birde. Şuşı ängämädän bu texnik qarar ğına digän näticägä kildem. Monda politika yuq."
Şulay da moña ışanmauçılar da bar. Politologlar häm Kreml belgeçläre Ustinovnıñ çigenüen Putinneñ uzğan ayda ilneñ vazğiäte turındağı çığışı belän bäylilär. Ul bu çığışında räsmi organnarnıñ korrupsiäne beterä almauların tänqitlägän ide. Panorama oyışması direktorı Vladimer Pribılovskiynıñ fikerençä dä,
"Baş prokuror cavaplı bulğan qanunsaqlau organnarı belän cinayätçelekne küzätü mäsäläsendä eşlär şäptän tügel. Ustinov citäkçelegendä bu mäsälädä yaxşığa taba üzgäreşlär bulmadı"
Pribılovskiynıñ fikerençä, Ustonovnıñ çigenüendä cinayätçelekkä häm korrupsiägä qarşı köräştäge uñışsızlıq faktor bula alsa da, töp säbäp Kremldä täsir öçen köräşneñ baruında.
"Putin tiräsendäge koalitsion törkemnör arasındağı xakimiät balansı üzgärgän bulırğa tieş. Närsäder bu balansnı bozdı häm prezident Ustinovqa kit dip äytergä qarar qıldı. Bu urınnı alırğa telävçelär küp."
Ustinovnıñ vazıyfaların vaqıtlıça anıñ urınbasarı Yuriy Birükov ütiäçäk, läkin, urın öçen köräş başlandı inde. Rusiädäge iñ möhim postlarnıñ bersenä namzätlär bulıp prezidentnıñ Könyaq Federal Okrugındağı mäxsus väkile Dmitri Kozak häm İdelbuyı regionındağı väkile Aleksander Konovalov toralar .
Färit İdelle, Praga.