*?* Bıltır Britaniädäge iminlek xezmätläre London şartlawların kisätä almağan ide, xäzer isä alar terror ğämälen buldırmıy qala aldı, aldan uq faş itte, bu alarnıñ yaxşıraq eşli başlawın kürsätäme?
"Bez bar bu eşlärneñ älegä başında ğına, berniçä qulğa alu buldı, totqında xäzer 21 keşe. İminlek köçläre häm politsiä höcümnärne buldırmawda bik yaxşı eş başqardı. Läkin berük waqıtta şunı da istä totu kiräk - bügen Britaniä iminlegenä yanaw däräcäse iñ yuğarı noqtasına kütärelde, eçke eşlär ministrı kisätü çaraları turında belderä, ämma anıñ yanawnı sürätlägän süzlärennän şul añlaşıla, äle bar şikle keşelär dä totqarlanmağan bula ala, şuña da höcümnärne buldırmaw öçen äle tağın da kübräk eş alıp barası bar kebek."
*?* Şartlatqıçlarnı oçqıçqa üzeñ belän alğan böktärlärdä ütkärü tırışlığı höcümnärneñ intiharçılar, yäğni üzlären üterergä äzer torğan keşelär tarafınnan äzerlänüenä işarä itä. Bu Britaniädäge terror eşçänlegeneñ tağın da radikalläşüen añlatamı?
"Britaniä xakimiäte äytüençä, totqarlanğan keşelärneñ küpçelege Britaniäneñ üzendä tuğan keşelär. Äzerlängän höcümnär turındağı mäğlümat alarnıñ çınnan da intiharçılar tarafınnan qılına alınuına işarä itä. Ägär dä bu çınnan da şulay ikän, bu bik poşman salırlıq ber närsä. Ämma xakimiät tä, iminlek köçläre dä andıy qurqınıç turında küptännän kisätep kilä ide inde."
*?* Yuğarı äzerlek taläp itkän bu höcüm plannarı artında kem tora ala?
"Plannarnıñ kiñlege borçılırlıq ber mäs''älä. Mäğlümat çaraları 10 ayırım oçqıçta 10-ğa qädär höcüm äzerlänüe turında belderä. İnde 21 keşe qulğa alınğan, bu san tağın da artır digän şik bar. Dimäk bez zurdan torıp äzerlängän operatsiä turında süz yörtä alabız. Minemçä, mondıy zurlıqtağı höcüm, bu eşkä nindider çit ber köçneñ dä bäyle buluı turında şiklär uyata. Ämma monı älbättä äle raslıysı bar."
*?* Hawa xäräkäten xäzer häm kiläçäk könnärdä tuqtatıp terrorçılar närsägä ireşä alır ide soñ?
"Xalıqqa qıyınlıqlar tudıruğa häm monıñ köne-töne televidenie, radio, internet xäbärlärendä äylänüenä ireşä alır ide. Alar näq menä şunı - xalıq arasında qurqu xisen taratunı teli dä. Şuña kürä dä, bu höcümnärne buldırmıy qalu bik tä yaxşı, läkin şuşı uñışsızlıqları aşa da terrorçılar inde üzlären tanıtıp qayber maqsatlarına barıber ireşte diärgä bula."
Kärim Kamal äzerläde
"Bez bar bu eşlärneñ älegä başında ğına, berniçä qulğa alu buldı, totqında xäzer 21 keşe. İminlek köçläre häm politsiä höcümnärne buldırmawda bik yaxşı eş başqardı. Läkin berük waqıtta şunı da istä totu kiräk - bügen Britaniä iminlegenä yanaw däräcäse iñ yuğarı noqtasına kütärelde, eçke eşlär ministrı kisätü çaraları turında belderä, ämma anıñ yanawnı sürätlägän süzlärennän şul añlaşıla, äle bar şikle keşelär dä totqarlanmağan bula ala, şuña da höcümnärne buldırmaw öçen äle tağın da kübräk eş alıp barası bar kebek."
*?* Şartlatqıçlarnı oçqıçqa üzeñ belän alğan böktärlärdä ütkärü tırışlığı höcümnärneñ intiharçılar, yäğni üzlären üterergä äzer torğan keşelär tarafınnan äzerlänüenä işarä itä. Bu Britaniädäge terror eşçänlegeneñ tağın da radikalläşüen añlatamı?
"Britaniä xakimiäte äytüençä, totqarlanğan keşelärneñ küpçelege Britaniäneñ üzendä tuğan keşelär. Äzerlängän höcümnär turındağı mäğlümat alarnıñ çınnan da intiharçılar tarafınnan qılına alınuına işarä itä. Ägär dä bu çınnan da şulay ikän, bu bik poşman salırlıq ber närsä. Ämma xakimiät tä, iminlek köçläre dä andıy qurqınıç turında küptännän kisätep kilä ide inde."
*?* Yuğarı äzerlek taläp itkän bu höcüm plannarı artında kem tora ala?
"Plannarnıñ kiñlege borçılırlıq ber mäs''älä. Mäğlümat çaraları 10 ayırım oçqıçta 10-ğa qädär höcüm äzerlänüe turında belderä. İnde 21 keşe qulğa alınğan, bu san tağın da artır digän şik bar. Dimäk bez zurdan torıp äzerlängän operatsiä turında süz yörtä alabız. Minemçä, mondıy zurlıqtağı höcüm, bu eşkä nindider çit ber köçneñ dä bäyle buluı turında şiklär uyata. Ämma monı älbättä äle raslıysı bar."
*?* Hawa xäräkäten xäzer häm kiläçäk könnärdä tuqtatıp terrorçılar närsägä ireşä alır ide soñ?
"Xalıqqa qıyınlıqlar tudıruğa häm monıñ köne-töne televidenie, radio, internet xäbärlärendä äylänüenä ireşä alır ide. Alar näq menä şunı - xalıq arasında qurqu xisen taratunı teli dä. Şuña kürä dä, bu höcümnärne buldırmıy qalu bik tä yaxşı, läkin şuşı uñışsızlıqları aşa da terrorçılar inde üzlären tanıtıp qayber maqsatlarına barıber ireşte diärgä bula."
Kärim Kamal äzerläde